Statkievič: Ucioki pałkavodca z pola bitvy ŭ jaje krytyčny momant zaŭsiody demaralizoŭvali jaho vojska
Eks-palitviazień u svaim telehram-kanale parazvažaŭ z nahody zamiežnaj kamandziroŭki Łukašenki na fonie raniejšych pahrozaŭ Zialenskaha.
«Ludzi vajujuć pamiž saboj z daŭnich časoŭ. I va ŭsie časy vynik bitvaŭ šmat u čym zaležaŭ ad zdolnaściaŭ i ćviordaści pałkavodcaŭ. Ucioki pałkavodca z pola bitvy, asabliva ŭ jaje krytyčny momant, zaŭsiody demaralizoŭvali jaho vojska i pryvodzili da parazy. Časy źmianilisia, ale i ciapier ucioki z krainy ŭ niebiaśpiečny momant lidaraŭ palityčnych sił viaduć da ciažkich nastupstvaŭ dla ich idej i prychilnikaŭ.
Ź biełaruskimi demakratyčnymi siłami takoje zdarałasia ŭžo dvojčy. Pieršy raz — u siaredzinie 90-ch, kali na samym pačatku kampanii vuličnaj baraćby za niezaležnaść suprać sproby praviačaha režymu abjadnacca ŭ adnu dziaržavu z RF, z krainy ŭciok biassprečny tady lidar nacyjanalnych siłaŭ (majecca na ŭvazie adjezd u krasaviku 1996 hoda Zianona Paźniaka — NN).
Druhi raz — u 2020 hodzie, kali padčas masavych pratestaŭ u emihracyju pa prapanovie ŭładaŭ źjechała Śviatłana Cichanoŭskaja, za pryznańnie pieramohi jakoj na «vybarach» na vulicy tady vychodzili mnohija tysiačy demanstrantaŭ.
Ale ciapier stałasia tak, što i z supraćlehłaha boku adbyłasia anałahičnaja historyja — padčas abvastreńnia adnosin z vajujučaj Ukrainaj, pierad pahrozaj mahčymaha ŭdaru ŭkrainskich dronaŭ pa rasijskich retranślatarach na paŭdniovaj miažy Biełarusi, krainu ŭ nieviadomym doŭhi čas kirunku pakinuŭ jaje hałoŭny ŭładny i vajskovy kiraŭnik. Cikava, jak da hetaj «treniroŭki» staviacca jaho padnačalenyja?» — napisaŭ Mikałaj Statkievič.
Łukašenka, jak vyśvietliłasia, u piatnicu palacieŭ na Vałdaj da Pucina, a ciapier znachodzicca ŭ Piekinie.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary
Da i siejčas v rb nikakoj vojny niet, rb nie bombiat, drony nie letiat, poetomu tut javno natianuto čto plešivyj moł ispuhałsia kuda-to ubiežał. Dieti nieho tut, da i samo ono skoro prijediet.