Biznesmien Viktar Šaŭcoŭ dabivajecca vyklučeńnia jaho z sankcyjnych śpisaŭ
Viadomy biełaruski biznesmien Viktar Šaŭcoŭ, jaki ciapier žyvie ŭ Vienhryi, znoŭ źviarnuŭsia ŭ Sud Jeŭrapiejskaha sajuza z patrabavańniem vyklučyć jaho sa śpisu sankcyj, piša vydańnie «Biełorusy i rynok».
Jašče ŭ krasaviku sud zadavoliŭ papiaredni pazoŭ Viktara Šaŭcova, adnak Rada ES niezadoŭha da hetaha padoŭžyła sankcyi i pakinuła proźvišča Šaŭcova ŭ sankcyjnym śpisie. Tamu ŭ mai byŭ padadzieny novy pazoŭ, u jakim śćviardžajecca, što Rada ES nie vykanała rašeńnie suda.
Šaŭcoŭ nastojvaje, što pamyłkova ličycca čałaviekam, jaki padtrymlivaje biełaruskija ŭłady jak były hanarovy konsuł Filipin u Biełarusi i pradstaŭnik dziaržavy. Jon taksama admaŭlaje śćviardžeńni pra svaju suviaź z bankam «Rašeńnie», muziejnym kompleksam «Dudutki» i inšymi aktyvami ŭ Biełarusi.
U jakaści dokazaŭ da pazovu prykładzienyja dakumienty ab spynieńni jaho paŭnamoctvaŭ jak hanarovaha konsuła, aficyjnaje paćviardžeńnie ŭładaŭ Vieniesueły ab tym, što jon nie ŭdzielničaŭ u dziaržaŭnych misijach Biełarusi, a taksama nataryjalna zaśviedčanyja dakumienty, jakija śviedčać pra adsutnaść u jaho intaresaŭ u biełaruskaj ekanomicy.
U pazovie taksama adznačajecca, što Rada ES nie padała novych padstaŭ dla zachavańnia sankcyj. Na dumku Šaŭcova, heta nieabhruntavana abmiažoŭvaje jaho majomasnyja pravy, svabodu pieramiaščeńnia jak hramadzianina Jeŭrasajuza, a taksama prava na pryvatnaje i siamiejnaje žyćcio. Akramia taho, jon ličyć, što dokazaŭ dla ŭklučeńnia jaho ŭ sankcyjny śpis było niedastatkova, i prosić sud uskłaści sudovyja vydatki na Radu ES.
Viktar Šaŭcoŭ trapiŭ pad sankcyi Jeŭrapiejskaha sajuza i Šviejcaryi ŭ žniŭni 2024 hoda. Heta adbyłosia praź niekalki miesiacaŭ paśla publikacyi rasśledavańnia Biełaruskaha rasśledavalnickaha centra, u jakim śćviardžałasia, što jon byŭ adnym z hałoŭnych atrymalnikaŭ prybytku ad vytvorčaści achoŭnych hałahram u Biełarusi. Inšaje rasśledavańnie źviazvała biznesmiena z kampanijaj, jakaja pavinna była zajmacca vyrabam pašpartoŭ «Novaj Biełarusi».
Žurnalisty taksama paviedamlali pra jaho ciesnyja suviazi ź biełaruskimi ŭładami. Pavodle ich danych, u 2008—2013 hadach Šaŭcoŭ nieadnarazova jeździŭ u zamiežnyja pajezdki razam z vysokapastaŭlenymi biełaruskimi čynoŭnikami i asobami ź blizkaha atačeńnia Alaksandra Łukašenki.
Šaŭcova nazyvajuć pasiarednikam u supracoŭnictvie biełaruskaj dziaržavy z aŭtarytarnymi režymami. Zasnavany im u 1994 hodzie «Infabank» absłuhoŭvaŭ finansavyja apieracyi ź Irakam, Livijaj i Iranam. Paźniej Ministerstva finansaŭ ZŠA abvinavaciła bank u admyvańni hrošaj u intaresach režymu Sadama Chusejna. Paśla hetaha bank byŭ pierajmienavany ŭ «Trastbank», a źviazanaja ź im kampanija «Biełzamiežbud» pry padtrymcy Viktara Šejmana realizoŭvała bujnyja prajekty ŭ Vieniesuele ŭ časy prezidenctva Uha Čaviesa.
Paśla ŭviadzieńnia sankcyj u 2024 hodzie Šaŭcoŭ pačaŭ źmianiać strukturu ŭłasnaści svajho biźniesu ŭ Biełarusi. U žniŭni ŭ dakumientach pradpryjemstva «Technachimtrejd» źjaviŭsia novy ŭłaśnik — Maksim Łapikaŭ. Jon źjaŭlajecca davieranaj asobaj Šaŭcova: z 2019 hoda kiruje muziejnym kompleksam «Dudutki», jaki naležyć biznesmienu, a raniej pracavaŭ tam kiroŭcam.
Šviejcaryja dadała ŭ sankcyjny śpis 27 łukašystaŭ
Staŭ viadomy poŭny śpis siłavikoŭ i prapahandystaŭ, suprać jakich ES siońnia abviaściŭ sankcyi
Litoŭskaja dziaržbiaśpieka rasśleduje pytańnie mahčymaj suviazi kampanii, źviazanaj z vyrabam pašpartoŭ Novaj Biełarusi, z režymam Łukašenki
Kampanija, jakaja prapanoŭvała svaje pasłuhi druku «pašparta Novaj Biełarusi», źviazanaja ź biznesoŭcam, nabližanym da Łukašenki
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»15
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary