Łatvija pabuduje kala miažy ź Biełaruśsiu zavod pa vytvorčaści bieśpiłotnikaŭ
Łatvija sumiesna z Ukrainaj płanuje pabudavać zavod pa vytvorčaści bieśpiłotnych latalnych aparataŭ u rehijonie Łathalija, kala ŭschodniaj miažy krainy. Pra heta paviedamiŭ premjer-ministr Łatvii Andrys Kułbierhs paśla pazačarhovaha pasiadžeńnia ŭrada na vajskovaj bazie Łuznava.
Pavodle słoŭ łatvijskaha premjera, prajekt realizujuć u ramkach miždziaržaŭnaha pahadnieńnia ab supracoŭnictvie ŭ śfiery abarony, padpisanaha z Ukrainaj u pačatku červienia. Urad Łatvii maje namier paskoryć stvareńnie sumiesnaha pradpryjemstva.
Kułbierhs adznačyŭ, što pytańni biaśpieki majuć asablivaje značeńnie dla Łathalii, jakaja miažuje ź Biełaruśsiu i Rasijaj. Pavodle jaho słoŭ, ad uzroŭniu biaśpieki zaležyć raźvićcio rehijona, u tym liku turyzmu i inšych halin ekanomiki.
Akramia taho, jon paviedamiŭ, što ŭžo ŭ lipieni abo žniŭni na łatvijskaj miažy ź Biełaruśsiu i Rasijaj płanujuć razharnuć sistemu supraćdziejańnia bieśpiłotnikam. Meta — da kanca hoda dasiahnuć uzroŭniu abarony ad dronaŭ, jaki maje Ukraina dziakujučy svajmu vopytu va ŭmovach vajny.
Pahadnieńnie pamiž Łatvijaj i Ukrainaj taksama praduhledžvaje pieradaču łatvijskamu boku ŭkrainskaha dośviedu ŭ halinie supraćdziejańnia bieśpiłotnym sistemam, abarony pavietranaj prastory i raźvićcia srodkaŭ supraćpavietranaj abarony.
Prezident Ukrainy Uładzimir Zialenski raniej adznačyŭ, što hetaje supracoŭnictva praduhledžvaje nie tolki sumiesnuju vytvorčaść, ale i ŭmacavańnie abaronnaha patencyjału abiedźviuch krain dziakujučy vykarystańniu ŭkrainskaha praktyčnaha vopytu.
Pavietranyja siły ZSU pra retranślatary ŭ Biełarusi: Ciapier rasijanam značna ciažej nanosić dakładnyja ŭdary
ZŠA źbirajucca vypuskać rakiety pa «madeli McDonald's»
Ukrainski vajskoviec: Scenaryj 2022 hoda, kali išli kałony ź Biełarusi, ciapier nierealistyčny
Paŭdniovaja Kareja zrobić usich vajskoŭcaŭ apieratarami dronaŭ
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ10
Kamientary
2 udary pa nasosnym stancyjam pieršaha i druhoha padjoma i Astravieckaja AES biez vady.
Spynienaja Ihnalina staić na bierazie voziera Dryśviaty. Kropka niepadalok ad miažy Litvy, Biełarusi i Łatvii.
Astravieckaja na 60 m vyšej uzroŭniu vady u Vilii.
Pamiž Ihnalinaj i Astravieckaj kala 100 km.
Nasosnaja druhoha padjema - 120 km ad Dauhavpiłsa u Łatvii. Taja ž taktyka, što prymianiałasia Rasijaj (retranślatary) dazvolić łatyšskamu dronu bolšuju
častku adlehłaści pieraadoleć uzdoŭž miažy Litvy i Biełarusi.
Piersanał AES budzie šukać dazvoł na zapusk reaktaraŭ va Ukazach Zialenskaha.