U Polščy zatrymali dvuch biełarusaŭ i dzieviaciarych ukraincaŭ, jakich padazrajuć u arhanizacyi mitynhaŭ za rasijskija hrošy
Jany buduć nieadkładna vysłanyja z krainy.
U Polščy zatrymali dvuch biełarusaŭ i dzieviaciarych ukraincaŭ, jakich padazrajuć u arhanizacyi mitynhaŭ za rasijskija hrošy, paviedamlaje DW Biełaruś sa spasyłkaj na Ahienctva ŭnutranaj biaśpieki (ABW) Polščy.
Zatrymanyja hramadzianie Biełarusi i Ukrainy buduć nieadkładna vysłanyja z krainy. Ich imiony nie raskryvajucca.
Pavodle źviestak śpiecsłužby, zatrymanyja «mieli suviazi ŭ Rasii i Biełarusi» i z vosieni 2025 hoda vierbavali i apłačvali ŭdzieł u demanstracyjach ukrainskich biežancaŭ u Polščy.
Jak śćviardžaje ABW, hrošy na heta pastupali z Rasii. Na dumku śpiecsłužby, metaj było paŭpłyvać na biežancaŭ dla «prasoŭvańnia palityčnych łozunhaŭ».
«Kab inicyjavać pratesty, vykarystoŭvalisia temy, jakija vyklikajuć mocnyja emocyi, u tym liku infarmacyja pra karupcyjnyja skandały i aktualnyja padziei va ŭnutranaj palitycy Ukrainy», — udakładniajuć u śpiecsłužbie.
Zatrymańni adbylisia ŭ Varšavie, Urocłavie, Krakavie, Zakapane i Bydhaščy.
«Heta prykład dziejańniaŭ, jakija nie dasiahajuć paroha kłasičnaj ahresii, ale nakiravanyja na padryŭ hramadskaha davieru, raspalvańnie napružanaści i vykarystańnie ludziej, što ratujucca ad vajny, jak instrumienta rasijskich apieracyj upłyvu», — havorycca ŭ paviedamleńni.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
> Biełarusy i ŭkraincy pracavali ŭ Polščy na Rasiju
> "biełarusafobija"
Typovaja mužyckaja prostanarodnaja łohika.
Pravalena čarhova sproba pieravieści strełki na "drenny narodziec" ad čarhovaha prapłačanaha bota.
Jany svajo atrymali, vy taksama atrymajecie.