U pačatku červienia žychary aŭtentyčnaha mikrarajona Asmałoŭka ŭ Minsku zaniepakoilisia. Jak zaŭvažyła vydańnie «Anłajnier», na zialonaj placoŭcy kala dziciačaha sadka № 116 u miežach vulic Čyčeryna, Kisialova, Bahdanoviča i Kamunistyčnaj źjaviłasia budaŭničaja technika. Adrazu pajšli razmovy, što ŭ kvartale niešta buduć znosić i niešta budavać. Padrabiaznaści vydańnie Office Life daviedałasia ŭ administracyi Centralnaha rajona horada.
Ad samaha pačatku mierkavali, što źniasuć staroje bambaschovišča i, mahčyma, dziciačy sadok pa vulicy Čyčeryna.
U administracyi Centralnaha rajona paćvierdzili, što sapraŭdy źniasuć padziemnaje achoŭnaje zbudavańnie pamiž damami № 14A, 16 i 18 na vulicy Bahdanoviča i dziciačym sadkom № 116. Jano šmat hadoŭ nie ekspłuatavałasia.
Takoje rašeńnie pryniali, kab paźbiehnuć avaryjnych situacyj i situacyj, niebiaśpiečnych dla žyćcia i zdaroŭja haradžan. Raboty pa demantažy bambaschovišča kamunalnyja słužby zavieršać da kanca červienia. A samu terytoryju ŭ dalejšym azielaniać. Nijakich abjektaŭ tut budavać nie płanujecca.
U adpaviednaści z hienieralnym płanam Minska, terytoryja žyłych kvartałaŭ u miežach vulic Kamunistyčnaj — Kujbyšava — Kisialova — Bahdanoviča adniesiena da hramadskaj zony haradskoha jadra stalicy.
«Paznačanaja terytoryja nie zabiaśpiečanaja zaćvierdžanym horadabudaŭničym prajektam detalovaha płanavańnia, pry hetym znos žyłoj zabudovy mikrarajona, a taksama dziciačaha sadka na vulicy Čyčeryna, 11 nie płanujecca», — skazana ŭ aficyjnym adkazie rajonnaj administracyi.
Tam padkreślili, što na terytoryi Asmałoŭki zabaroniena novaje budaŭnictva, pakolki hety žyły rajon z 2019 hoda staŭ achoŭnaj historyka-kulturnaj zonaj.
Jakija mikrarajony Minska samyja darahija?
Padziemny pierachod sa šklanymi kubami na Arłoŭskaj amal hatovy
«Takoj elitki kraina nie bačyła». U Minsku pabudujuć sakretnyja chmaračosy a-la Maskva-Sici
Čamu ŭ Minsku nie pabudujuć mietro ŭ «Paŭnočny Bierah»?
Upieršyniu z 2000 hoda: u Minsku budujuć novuju tramvajnuju kancavuju
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary