WSJ śćviardžaje, što Izrail płanuje zatapić tuneli CHAMAS marskoj vadoj. Ci realna heta?
Izrail abdumvaje mahčymaść zatapleńnia marskoj vadoj sietki padziemnych tunelaŭ CHAMAS u siektary Haza, piša The Wall Street Journal.
Pavodle žurnalistaŭ, Izrail ustalavaŭ na ŭźbiarežžy Mižziemnaha mora vialikija pompy, jakija mohuć być vykarystanyja dla zatapleńnia tunelaŭ, što vykarystoŭvaje CHAMAS i inšyja ŭzbrojenyja hrupoŭki ŭ Hazie, havorycca ŭ artykule Wall Street Journal.
BBC pasprabavała spraŭdzić hetu infarmacyju. Ale ŭ izrailskich vajskoŭcaŭ atrymać kamientar nie ŭdałosia.
Jak piša BBC, jašče ŭ 2015 hodzie Jehipiet vykarystaŭ marskuju vadu ź Mižziemnaha mora, kab zatapić sietku z sotniaŭ tunelaŭ na miažy z Hazaj i pakłaści kaniec kantrabandnamu handlu.
Uskładnialnym faktaram u Izraili stanuć izrailskija zakładniki, jakich CHAMAS, ź jahonych słoŭ, schavaŭ u «biaśpiečnych miescach i tunelach».
Sproby zapampavać salonuju vadu na vialikija terytoryi Hazy mohuć taksama paškodzić padziemny vadanosny płast, što pryviadzie da zabrudžvańnia vady.
U 2021 hodzie CACHAŁ zajaviŭ, što źniščyŭ bolš za 100 km tunelaŭ u vyniku avijaŭdaraŭ. U toj ža čas CHAMAS śćviardžaŭ, što praciahłaść jaho tunelaŭ składaje 500 km, a paškodžana było tolki 5%.
Pryblizna ŭ siaredzinie listapada izrailskaja armija ŭstanaviła vialikija pompy dla pierapampoŭki vady ŭ 1,5 km na poŭnač ad łahiera biežancaŭ Al-Šaci. Pompaŭ piać, kožnaja ź ich moža zabirać vadu ź Mižziemnaha mora i pierapampoŭvać tysiačy kubamietraŭ vady za hadzinu ŭ tuneli CHAMAS.
Pavodle acenki krynic vydańnia, praces zatapleńnia moža zaniać tydzień. Ale efiektyŭnaść hetych płanaŭ pad pytańniem jašče i tamu, što dakładnyja charaktarystyki tunelaŭ i hruntu vakoł ich nieviadomyja.
-
Iranskija dziaržaŭnyja ŚMI ŭpieršyniu pakazali razburanuju rezidencyju Chamieniei paśla ŭdaru ZŠA i Izraila VIDEA
-
U Polščy rasijaninu, jaki vydavaŭ siabie za apazicyjaniera, dali siem hadoŭ kałonii za pracu na FSB. Jaho žonka taksama atrymała termin
-
U ES zaćvierdzili novyja pravy avijapasažyraŭ. Šmat čaho vy daŭno čakali
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam8
Kamientary