WSJ сцвярджае, што Ізраіль плануе затапіць тунэлі ХАМАС марской вадой. Ці рэальна гэта?
Ізраіль абдумвае магчымасць затаплення марской вадой сеткі падземных тунэляў ХАМАС у сектары Газа, піша The Wall Street Journal.
Паводле журналістаў, Ізраіль усталяваў на ўзбярэжжы Міжземнага мора вялікія помпы, якія могуць быць выкарыстаныя для затаплення тунэляў, што выкарыстоўвае ХАМАС і іншыя ўзброеныя групоўкі ў Газе, гаворыцца ў артыкуле Wall Street Journal.
BBC паспрабавала спраўдзіць гэту інфармацыю. Але ў ізраільскіх вайскоўцаў атрымаць каментар не ўдалося.
Як піша BBC, яшчэ ў 2015 годзе Егіпет выкарыстаў марскую ваду з Міжземнага мора, каб затапіць сетку з сотняў тунэляў на мяжы з Газай і пакласці канец кантрабанднаму гандлю.
Ускладняльным фактарам у Ізраілі стануць ізраільскія закладнікі, якіх ХАМАС, з ягоных слоў, схаваў у «бяспечных месцах і тунэлях».
Спробы запампаваць салёную ваду на вялікія тэрыторыі Газы могуць таксама пашкодзіць падземны ваданосны пласт, што прывядзе да забруджвання вады.
У 2021 годзе ЦАХАЛ заявіў, што знішчыў больш за 100 км тунэляў у выніку авіяўдараў. У той жа час ХАМАС сцвярджаў, што працягласць яго тунэляў складае 500 км, а пашкоджана было толькі 5%.
Прыблізна ў сярэдзіне лістапада ізраільская армія ўстанавіла вялікія помпы для перапампоўкі вады ў 1,5 км на поўнач ад лагера бежанцаў Аль-Шаці. Помпаў пяць, кожная з іх можа забіраць ваду з Міжземнага мора і перапампоўваць тысячы кубаметраў вады за гадзіну ў тунэлі ХАМАС.
Паводле ацэнкі крыніц выдання, працэс затаплення можа заняць тыдзень. Але эфектыўнасць гэтых планаў пад пытаннем яшчэ і таму, што дакладныя характарыстыкі тунэляў і грунту вакол іх невядомыя.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў5
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары