Sałman Rušdzi paśla napadu na jaho častkova straciŭ zrok i nie vałodaje adnoj rukoj
Endru Uajli, ahient 75-hadovaha piśmieńnika Sałmana Rušdzi, aŭtara ramana «Sataninskija vieršy» paviedamiŭ, što jahony klijent straciŭ zrok na adno voka i nie moža karystacca adnoj rukoj paśla napadu, jaki pieranios dva miesiacy tamu.
«[Jaho rany] byli hłybokimi, ale jon [taksama] straciŭ zrok na adno voka, — skazaŭ Uajli. — U jaho było try surjoznych rany na šyi. Adna ruka niedziejazdolnaja, tamu što niervy na ruce pierarezanyja. I ŭ jaho jašče kala 15 ranieńniaŭ u hrudzi i tułava. Takim čynam, heta byŭ žorstki napad», — skazaŭ uajli.
Ahient nie ŭdakładniŭ, ci znachodzicca Rušdzi dahetul u balnicy, skazaŭšy tolki, što samaje hałoŭnaje, što piśmieńnik budzie žyć.
Napad na piśmieńnika, na jakoha za tvor «Sataninskija vieršy» jašče ŭ kancy 1980-ch była nakładzienaja fietva tahačasnym iranskim ajatałoj Chamiejni, byŭ zrobleny 12 žniŭnia na mierapryjemstvie ŭ adukacyjnym centry Chautauqua Institution u amierykanskim štacie Ńju-Jork. Piśmieńnik atrymaŭ nažavyja ranieńni ŭ šyju i žyvot. Napadnik byŭ zatrymany, jamu vystaŭlena abvinavačańnie ŭ zamachu na zabojstva.
Čytajcie taksama:
U Ńju-Jorku napali na piśmieńnika Sałmana Rušdzi, udaryli nažom u šyju
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary