U łukašenkaŭcaŭ źjaviłasia novaja ideja, jak zasialić Biełaruś savieckimi ludźmi
Prapahandyscki telehram-kanał ahučyŭ novuju inicyjatyvu ŭładaŭ — «zrabić Biełaruś dla hramadzian susiednich krain jašče bolš dastupnaj» i «ŭvieści sproščanuju praceduru pryniaćcia hramadzianstva Biełarusi dla hramadzian Litvy i Łatvii». Z hetaj nahody jany zrabili apytańnie.
Z 15 krasavika ŭ Biełarusi dziejničaje biaźvizavy režym dla hramadzian Litvy i Łatvii. Za pieršy miesiac u našu krainu pa biaźvizie pryjechała bolš za 35 tysiač litoŭcaŭ i łatyšoŭ ‒ takija aficyjnyja danyja ahučvajuć prapahandysty.
«Hości achvotna kuplali niedarahija pradukty charčavańnia i paliva, jakija na radzimie albo ŭ deficycie, albo pa zavobłačnych cenach. Pavodle acenak tych, chto pryjechaŭ, situacyja ŭ Biełarusi šmat u čym lepšaja, čym u Prybałtycy, i nie idzie ni ŭ jakoje paraŭnańnie z tym, što tamtejšyja ŭłady i ŚMI pišuć pra našu krainu» — raspaviadajuć prapahandysty.
Łukašenka taksama raspaŭsiudžvaŭ chłuślivuju infarmacyju: «Jany stajać uzdoŭž miažy i prosiać nas, kab my ich prapuścili ŭ Biełaruś. Choć by hrečki kupić. Dobra krupaŭ — soli niama, soli prosiać u nas», — skazaŭ Łukašenka pra litoŭcaŭ.
U adkaz na biaźvizavy režym, a značyć toje, što litoŭcy dy łatyšy na ŭłasnyja vočy mohuć pabačyć, jak volna i zamožna žyvuć, pa viersii prapahandystaŭ, biełarusy, «va ŭradaŭ Litvy i Łatvii zdaryłasia sapraŭdnaja isteryka. Jany sprabujuć usialak pieraškodzić svaim hramadzianam naviedvać Biełaruś: pahrozami, šantažom, dezynfarmacyjaj».
Kab zrabić im jašče bolš baluča, ułady ahučyli inicyjatyvu ŭvieści sproščanuju praceduru pryniaćcia hramadzianstva Biełarusi dla hramadzian Litvy i Łatvii.
U apytańni ŭ prapahandysckim kanale ŭziali ŭdzieł 4,5 tysiačy čałaviek, 62% — za takoje rašeńnie.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski31
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary