U sotni maleńkich i vialikich haradoŭ Rasii prajšli mitynhi ŭ padtrymku Navalnaha FOTA, VIDEA
Akcyi ŭ padtrymku aryštavanaha Alaksieja Navalnaha prajšli pa ŭsioj Rasii. Składana acanić ahulnuju kolkaść udzielnikaŭ — u roznych haradach jana vahałasia ad niekalkich socień da niekalkich tysiač. Pa acenkach Reuters, u Maskvie na vulicy vyjšła kala 40 tysiač čałaviek.
Pa stanie na 19:40 arhanizacyja OVD-info paviedamlała pra 2131 zatrymanaha amal u 100 roznych haradach Rasii. Najbolš zatrymanych u Maskvie (795), Sankt-Pieciarburhu (309) i Novasibirsku (95).
Ahladnaje videa, jak prachodzili mitynhi ŭ najbujniejšych haradach Rasii.
Kala 50 čałaviek vyjšli navat u Jakucku, niahledziačy na anamalnyja marazy (tempieratura ŭ horadzie siońnia apuściłasia da -48):
Samyj chołodnyj mitinh za Navalnoho prošieł, vierojatno, v Jakutskie. Tam -48 hradusov. Na akciju vyšli około 50 čiełoviek. Ludi prošliś ot płoŝadi Družby narodov do płoŝadi Ordžonikidzie. Niekotorych zadieržannych otpustili pośle biesiedy. Vot kak eto vyhladieło. pic.twitter.com/rOl4RvTOeE
Najbolš žorstkija zatrymańni adbylisia ŭ Maskvie, Uładzivastoku, Krasnajarsku, Jekaciarynburzie i Novasibirsku. Užo viadoma, što siarod zatrymanych jak minimum 18 žurnalistaŭ.
Kala 16-j siłaviki stali adciskać pratestoŭcaŭ z Puškinskaj płoščy ŭ Maskvie. Demanstranty vyjšli na prajeznuju častku Ćviarskoj vulicy, usie zavułki na padychodzie da vulicy byli pierakrytyja. Častka ludziej dajšła da budynka Dziarždumy i Vialikaha teatra.
U Pieciarburhu ludzi prarvali ačapleńnie i vyjšli na Nieŭski praśpiekt, častkova pierakryŭšy prajeznuju častku.
Hałoŭnyja siońniašnija łozunhi da bolu znajomyja i biełarusam: «Svabodu!», «Vypuskaj», «My tut ułada», «Adzin za ŭsich i ŭsie za adnaho». Mnohija pratestoŭcy pryšli na akcyi ź joršykam u rukach — heta adsyłka da rasśledavańnia Navalnaha pra pałac u Hielendžyku, dzie dla adnoj prybiralni nabyli joršyk dla ŭnitaza za 700 jeŭra.
Praz akcyi 23 studzienia ŭžo raspačatyja dźvie kryminalnyja spravy ab zaklikach da masavych biesparadkaŭ — u Novasibirsku, Tatarstanie, Uładzivastoku.
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»11
Kamientary