Izrail raspavioŭ pra «Dziki» tank paśla 30 hadoŭ sakretnaści
«30 hod my zachoŭvali cišyniu vakoł adnoj z našych najbolš efiektyŭnych i prasunutych vajennych technałohij. Na minułym tydni my źniali piačatku sakretnaści i adkryli tank Pereh (litaralna — «Dziki») hramadstvu. Uzbrojenaja supraćtankavymi rakietami, hetaja mašyna stała novaj epochaj va ŭmovach haradskoha boju», — piša aficyjny Facebook Sił abarony Izraila.
Bajavaja mašyna była raspracavanaja ŭ 1980-ja hady na šasi amierykanskaha tanka M60 Patton, ale mieła inšuju pavialičanuju viežu tolki z makietam harmaty. Zamiest hałoŭnaha ŭzbrajeńnia na im pastavili rakietnyja kompleksy Tamuz (na mižnarodnym rynku — Spike NLOS), jakija mohuć vykarystoŭvać taksama i supraćpiachotnyja bojeprypasy.
Hetyja kompleksy nie patrabujuć bačyć praciŭnika i faktyčna źjaŭlajucca kiravanymi vysokadakładnymi taktyčnym rakietami z dalnaściu boju da 25 km.
Vialikija stalovyja skryni za i nad viežaj tanka — jakraz źmiaščajuć 12 takich 70-kiłahramovych rakiet.
U apošnija hady ŭ internecie źjaviłasia niekalki fota hetych mašyn, adnak da apošnich dzion błohieram i analitykam zastavałasia tolki stvarać teoryi adnosna taho, čym na samoj spravie zajmajucca «dzikija» izrailskija tanki.
Takim čynam, hrupy Pereh faktyčna ŭjaŭlajuć ź siabie batarei vysokadakładnych taktyčnych rakietnych kompleksaŭ, zdolnych padtrymlivać svaje tanki i piachotu pa-za linijaj dalahladu ci pry patrebie naŭprost na poli boju.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary