KYKY.ORG zabłakavali «pa prośbie» emihranta Viačasłava Dzijanava
Stanoviacca viadomymi padrabiaznaści abmiežavańnia dostupu da sajta kyky.org. Vyśvietliłasia, što ź listami ŭ Ministerstva infarmacyi źviartaŭsia emihrant Viačasłaŭ Dzijanaŭ.
Jaho aburyŭ tekst Alaksandra Knyroviča «Podźvih adnaho – zaŭsiody złačynstva inšaha», dzie była zroblenaja sproba asensavańnia Dnia Pieramohi i padziej Vialikaj Ajčynnaj vajny.
«Za apublikavany tekst treba adkazvać z usioj strohaściu pierad kampietentnymi orhanami», - napisaŭ Dzijanaŭ. Sam materyjał Knyroviča jon nazvaŭ «nacysckaj adryžkaj». Dzijanaŭ zaklikaŭ usich nieabyjakavych źviartacca ŭ Ministerstva infarmacyi i Hienieralnuju prakuraturu dziela pravierki toj publikacyi.
Niekalki dzion tamu Viačasłaŭ Dzijanaŭ apublikavaŭ adkaz namieśnika ministra infarmacyi Ihara Łuckaha, dzie havorycca, što «ŭ dadzieny momant razhladajecca pytańnie ab prymianieńni mier adkaznaści da adpaviednaha infarmacyjnaha resursa». Praz čatyry dni kyky.org zabłakavali.
Viačasłaŭ Dzijanaŭ staŭ znakamitym paśla maŭklivych akcyj pratestu ŭ 2011 hodzie. Jon byŭ adnym z tych, chto vioŭ supołki akcyj pratestu ŭ sacyjalnych sietkach. Paśla vybaraŭ 2010, na jakich Dzijanaŭ padtrymlivaŭ Alesia Michaleviča, jon źjechaŭ u Polšču. Vučyŭsia na prahramie Kalinoŭskaha, ale byŭ adličany za niepaśpiachovaść.
Za apošnija niekalki hadoŭ Dzijanaŭ «pierafarbavaŭsia» ŭ patryjota Rasii. Beścić «ukrainskich banderaŭcaŭ» i ŭschvalaje bajcoŭ «DNR» i «ŁNR». Choča atrymać hramadzianstva Rasii. Byŭ navat rozyhryš, kali Dzijanavu prapanoŭvali pracu na karyść Rasii i jon pahadziŭsia. Ciapier Dzijanaŭ pačaŭ pisać listy ŭ dziaržstruktury, pry hetym zastajučysia žyć u Polščy. Ź biełaruskaj apazicyjaj Dzijanaŭ nie maje dačynieńniaŭ.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU1
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu55
Kamientary