Devid Duchoŭny i Džylijan Andersan paćvierdzili ŭdzieł u adradžeńni sieryjału.

Telekanał Fox zamoviŭ pieršy siezon novych «Sakretnych materyjałaŭ», paviedamlaje Variety. Čutki pra adradžeńnie kultavaha sieryjału paćvierdzilisia.
Zdymki pieršaha siezonu, što ŭklučyć 6 sieryj, pačnucca ŭžo letam 2015 hoda.
Hałoŭnyja roli ahientaŭ FBR, jakija zajmajucca rasśledavańniami paranarmalnych źjaŭ, znoŭ vykanajuć Devid Duchoŭny i Džylijan Andersan. Taksama ŭ sieryjał vierniecca scenaryst aryhinalnych «Sakretnych materyjałaŭ» Krys Karter.
Pra nastupnyja siezony, a taksama daty vychadu ŭ efir pieršaha siezonu, nie paviedamlałasia.
***
Pieršy epizod aryhinalnaha sieryjału źjaviŭsia na ekranach u 1993 hodzie. «Sakretnyja materyjały» vychodzili ŭ efir pa 2002 hod, na vialikich ekranach taksama źjavilisia dva poŭnamietražnyja filmy. Vakoł sieryjału vyrasła vialikaja supolnaść fanataŭ, frazy «Iścina niedzie pobač» i «Ja chaču vieryć» stali kryłatymi.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?
Kamientary