Na «Biełaruśfilmie» raspačali pracu nad novym sieryjałam, dziejańnie jakoha razhorniecca ŭ pačatku 1990-ch. Režysior Kirył Chalecki, jaki raniej źniaŭ karciny «Kłasnaja», «Kulturny kod» i «Kinošniki».
Padziei raźvivajucca na pačatku 1990‑ch i kancentrujucca na padletkach i ich staleńni. Pa žanry heta tryler z elemientami detektyva, piša sb.by.
Detali siužetu pakul trymajucca ŭ sakrecie. Adnak viadoma, što ŭ centry — historyja dvuch chłopcaŭ, jakija znachodziać niešta niezvyčajnaje. Mienavita heta znachodka zapuskaje łancuh padziej i pryhod.
Pry hetym u karcinie znojdziecca miesca i darosłym hierojam — ludziam, jakija «znachodziacca ŭ prastracyi i nie razumiejuć, jak žyć dalej».
Prajekt budzie šmatsieryjnym: zapłanavana čatyry sieryi pa 44 chviliny. Paźniej materyjał pieramantujuć u paŭnamietražny film.
Kastynh praciahniecca da kanca krasavika.
Pa słovach režysiora, pierš za ŭsio šukajuć hałoŭnych hierojaŭ — padletkaŭ kala 12 hadoŭ. Dalej buduć padbirać darosłych aktoraŭ 30—35 hadoŭ i starej.
Zdymki startujuć u žniŭni i praciahnucca da kastryčnika. A premjera čakajecca nie raniej za vosień 2027 hoda.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam12
Kamientary