Sotni tysiač čałaviek vyjšli na vulicy Kijeva ŭ niadzielu. Mitynhi z patrabavańniem nie adkładać padpisańnia Damovy ab asacyjacyi Ukrainy ź ES pieraraśli ŭ masavyja akcyi za adstaŭku prezidenta i ŭrada. Ich abvinavačajuć u niekampietentnaści, karumpavanaści i kiravanaści vyklučna intaresami źviazanych ź imi biznesoŭcaŭ.
Spuskavym kručkom staŭ siłavy razhon Jeŭramajdana ŭ noč ź piatnicy na subotu. Jaho ažyćciavili śpiecnazaŭcy, pryviezienyja z uschodu krainy.
Učora centr Kijeva pierajšoŭ pad kantrol mitynhoŭcaŭ. Śpiecnaz abaraniaŭ try try punkty: Administracyju prezidenta na vulicy Bankovaj, Kabiniet ministraŭ na Hrušeŭskaha i luksovuju pryvatnuju rezidencyju Janukoviča Mižhorje ŭ siale Piatroŭcy pad Kijevam.
Samoha Janukoviča ŭ stalicy nie było, jon znadziŭsia ŭ Mižhorji.
Pravakatary na čale sa skandalnym anarchistam Dmytrom Karčynskim paviali ludziej na šturm Administracyi prezidenta. Dla hetaha jany vykarystoŭvali šmattonny pahruzčyk. U chadu pajšli kii, kamiani i haz. U adkaz śpiecnaz užyŭ haz i dubinki.
165 mitynhoŭcaŭ było paraniena ŭ sutyčkach, u tym liku 32 reparciory. Z boku milicyi ŭ balnicy trapiła 47 bajcoŭ.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary