У карціне Ласэ Хальстрама самы вядомы палюбоўнік змагаецца за сэрца прыгажуні-фэміністкі, каб стаць яе верным (!) мужам. Карціна шчасьліва спалучае касьцюмную раскошу XVIII ст., легкадумнасьць ракако, барацьбу за правы жанчын (!), рэклямныя тэхналёгіі і бадзёрасьць тупых моладзевых камэдый.
Казанова (Casanova).
ЗША, 2005, каляровы, 108 хв.
Жанр: касьцюмная рамантычная камэдыя.
Адзнака: 6,5 (з 10).
У карціне Ласэ Хальстрама самы вядомы палюбоўнік змагаецца за сэрца прыгажуні-фэміністкі, каб стаць яе верным (!) мужам. Карціна шчасьліва спалучае касьцюмную раскошу XVIII ст., легкадумнасьць ракако, барацьбу за правы жанчын (!), рэклямныя тэхналёгіі і бадзёрасьць тупых моладзевых камэдый.
Казанова Хальстрама — гэта вечна жывы імідж, які пераходзіць ад аднаго распусьніка да другога (галоўную партыю вядзе актор Гіт Лэджэр).
Паводле аўтараў, Казанова безнадзейна закахаўся ў ерэтычку-філязафіню, якая выдае памфлеты й выдатна фэхтуе. «Сучасная» жанчына дабралася да XVIII ст. і адчувае сябе ў ім вельмі ўтульна.
У адрозьненьне ад змрочнага «Казановы» Фэліні, карціна Хальстрама — мілая пацешка з цудоўнымі дэкарацыямі і вясновым аптымізмам. Нават сьвінападобнаму гандляру забясьпечана ў фінале сямейнае шчасьце. І хаця радасьці часоў ракако — гэта рэклямны хітрык, якая гледачу розьніца?
Каментары