«Усё акуратненька, дагледжана, усё працуе».
Фота: t.me/belarusdiplomacy
Міністр замежных спраў Максім Рыжанкоў разам з сям'ёй правёў адпачынак у КНДР.
Па вяртанні ён падзяліўся ўражаннямі. «Краіна вельмі каларытная, традыцыйная, цікавая», — сказаў ён тэлеканалу «Першы інфармацыйны».
Рыжанкоў пабываў не толькі ў сталіцы Пхеньяне, але і ў партовым горадзе Вансане, на курорце Кальма.
«Па дарозе вадаспады, вёсачкі невялікія. Усё акуратненька, дагледжана, усё працуе».
Фота: t.me/belarusdiplomacy
Міністр адзначыў, што калі раней у Паўночнай Карэі было сціпла з машынамі на вуліцах, то цяпер аўто стала болей.
Рыжанкоў паралельна займаўся і працоўнымі пытаннямі, напрыклад, узгадняў адмену віз у КНДР для беларусаў.
Каментары