Днямі пад прэс адправіліся яшчэ тры машыны, якія былі прызнаныя судом безгаспадарнымі.
У тэлеграм-канале Першамайскага раёна Мінска з'явілася відэа, на якім паказаны працэс утылізацыі кінутых аўтамабіляў.
Варта адзначыць, што пад прэс безгаспадарныя машыны адпраўляюцца далёка не адразу. Спачатку чыноўнікі звяртаюцца ў ДАІ з просьбай высветліць уласніка. Пасля яму дасылаюць пісьмовае патрабаванне прывесці цягам аднаго месяца маёмасць у парадак.
Калі гаспадар не адклікаецца ці не знаходзіцца, то аўтахлам перамяшчаюць на ахоўваемую стаянку. Аднак і гэта не канец. Уладальнікі цягам 3 месяцаў могуць звярнуцца ў адміністрацыю свайго раёна з патрабаваннем вярнуць аўто.
Калі такі дакумент не паступае, то чыноўнікі звяртаюцца ў суд з патрабаваннем прызнаць транспартны сродак безгаспадарным і перадаць яго ў камунальную ўласнасць горада Мінска.
Пасля таго, як рашэнне суда набывае моц, аўтамабіль утылізуюць.
Каментары