У Маскве беларус на спорткары заляцеў на лесвіцу, якая вядзе ў падземны пераход метро
Увечары 29 ліпеня каля станцыі метро «Дамадзедаўская» ў Маскве адбылося незвычайнае дарожна-транспартнае здарэнне, паведамляе выданне msk1.ru.
На скрыжаванні Кашырскай шашы і Арэхавага бульвара спорткар Ford Mustang сутыкнуўся з іншым аўтамабілем, пасля чаго страціў кіраванне і вылецеў на лесвіцу, што вядзе ў падземны пешаходны пераход.
На фота з месца аварыі відаць, што спорткар мае беларускія нумары і зарэгістраваны ў Магілёўскай вобласці.
Аварыя адбылася каля 19:20. Машына спынілася проста на прыступках, але, на шчасце, у выніку здарэння ніхто не пацярпеў. Паводле інфармацыі Дзяржаўтаінспекцыі Масквы, абодва кіроўцы і пасажыры не атрымалі траўмаў.
Праца самой станцыі метро не спынялася. Пешаходы працягвалі карыстацца пераходам, абыходзячы аўтамабіль, які затрымаўся на лесвіцы.
Дастаўшчык ежы «Яндэкс» у Маскве заспяваў на вуліцы і стаў зоркай — ім аказаўся хлопец з Брэста
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
Расійскую рэкламшчыцу з Мсціслава асудзілі за палітыку
«Намагаўся патлумачыць, што 30 літраў — мала». Беларускі айцішнік праехаўся па Расіі і падзяліўся ўражаннямі
Каментары