Вядомая італьянская актрыса Арнэла Муці і яе дачка, спявачка Найке Рывелі, маюць намер атрымаць расійскае грамадзянства. Пра гэта Найке Рывелі паведаміла ў інтэрв'ю расійскаму інфармагенцтву «РИА Новости».
Па словах Рывелі, яны з маці падаюць заяву на расійскае грамадзянства, бо хочуць «адчуваць сябе па-сапраўднаму як дома». Рывелі таксама адзначыла, што ў іх ёсць рускія карані, таму яны не хочуць адмаўляцца ад свайго паходжання, а таксама ад сям'і і сяброў.
Спявачка паведаміла, што разам з маці яна разглядае магчымасць набыцця дома ў Маскве або Санкт-Пецярбургу.
Арнэла Муці вядомая па ролях у фільмах «Утаймаванне свавольніка», «Шалёна закаханы», «Самая прыгожая жонка», «Народны раман» і іншых.
Пра жаданне атрымаць расійскае грамадзянства актрыса заяўляла і раней. Яшчэ ў 2013 годзе яна казала пра гэта ў інтэрв'ю, а ў 2018 годзе паведамляла журналістам, што мае жыллё і рэгістрацыю ў Маскве, аднак расійскага пашпарта на той момант у яе не было.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары