Гэта звязваюць у тым ліку з рыторыкай польскіх палітыкаў.
У Польшчы расце колькасць нападаў на ўкраінцаў. У першай палове 2026 года зафіксавана 180 заяў пра злачынствы на глебе нянавісці супраць грамадзян Украіны — гэта на 30% больш, чым у аналагічным перыядзе мінулага года (для параўнання: 267 заяў за ўвесь 2024 год і 275 за ўвесь 2025-й). Калі тэмпы захаваюцца, да канца года іх колькасць можа дасягнуць 360, піша Rzeczpospolita.
Сацыёлаг Яцак Кухарчык кажа пра «эфект уседазволенасці» на фоне рыторыкі некаторых польскіх палітыкаў і расійскай дэзінфармацыі.
Саюз украінцаў у Польшчы ў сваім дакладзе адзначае, што ўспышкі антыўкраінскіх настрояў маюць хвалепадобны характар і прывязаны да палітычных падзей — прэзідэнцкай кампаніі 2025 года, а ў 2026‑м — да скандалу вакол рашэння Зяленскага назваць вайсковае падраздзяленне імем УПА (у адказ прэзідэнт Наўроцкі забраў у Зяленскага ордэн Белага арла).
Згодна з ліпеньскім апытаннем IBRiS, 33,6% палякаў змянілі стаўленне да ўкраінцаў у горшы бок (у лепшы — толькі 1,8%). Больш за палову апытаных (56%) вінавацяць у крызісе Зяленскага.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары
Марк, хто будзе адказным?
Прыйдзе час, калі хопіць смеласьці - пойдуць вызваляць ісконна польскія гарады Гродна, Львоў, Бжэсьць і Вільню.
Ніякага саюзу з Польшчай не пабудаваць.