Дзікія коні ў Валожынскім раёне хаваюцца ад спёкі на аўтобусным прыпынку ВІДЭА
Дзікія тарпанападобныя коні, якіх некалькі гадоў таму выпусцілі на волю ў раёне Налібоцкай пушчы, гэтым летам сталі часцей з'яўляцца каля людзей і дарогі М6 Мінск — Гродна. Калі раней іх звычайна можна было ўбачыць толькі здалёк у палях, то цяпер яны ўсё часцей падыходзяць да месцаў, дзе бываюць людзі.
Асаблівую ўвагу прыцягнулі незвычайныя паводзіны табуна каля вёскі Даўбені ў Валожынскім раёне. Некалькі дзікіх коней сталі выкарыстоўваць аўтобусны прыпынак каля трасы як месца для адпачынку ў гарачыя дні, піша выданне «Анлайнер». Адпаведнае відэа яму прыслала чытачка.
Прычына такіх паводзін, верагодна, у спякоце. У адкрытым полі жывёлам цяжка знайсці абарону ад моцнага сонца, а пад дахам прыпынку ёсць цень і больш камфортныя ўмовы. Таму коні пачалі прыходзіць туды, каб схавацца ад спёкі.
Дзікія тарпанападобныя коні ў палях каля трасы М6 ужо сталі своеасаблівай мясцовай адметнасцю. Людзі часта заўважаюць іх падчас паездак, аднак у гарачае надвор'е жывёлы самі сталі набліжацца да інфраструктуры, якую звычайна выкарыстоўваюць людзі.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары
Толькі савецкі чалавек сумуе па стайні…
Пра цалкам свойскую жывёлу я й не кажу, яна сама нойдзе й свой двор, і сваё жытло ў ім. Тыя ж коні, або каровы. Старыя некалі апавядалі з свайго маленства, калі бальшавікі пазабіралі коней ды кароў у калгас, дык вяртаючыся з калгаснага выпасу, яны звыкла працягвал збочваць у свае двары, да сваіх хлявоў, што выклікала сьлёзы й плач у былых гаспадароў. То бок, яны разбіраюцца, што для іх няволя й дзе яна, не хвалюйцеся. :))
Дарэчы, нават дзікія лясныя зьверы, якія ніколі не даглядаліся чалавекам, выходзяць да чалавека ў час нейкай сваёй бяды. Бо яны ўмеюць маніторыць, што для іх "большае зло", напэўна прырода навучыла. Таму Вы ня маеце рацыі, або ніколі не даглядалі жывёлу, таму й разважаеце штампамі.