Расійскія войскі пачалі выкарыстоўваць сродкі радыёэлектроннай барацьбы, каб перашкаджаць працы спадарожнікавай сістэмы Starlink і ўскладніць выкарыстанне ўкраінскіх беспілотнікаў, паведамляе Reuters са спасылкай на вайскоўцаў УСУ.
Як паведамляюць украінскія камандзіры і аператары дронаў, такім чынам Расія спрабуе супрацьдзейнічаць беспілотнікам сярэдняй далёкасці, якія могуць наносіць удары па аб’ектах за некалькі дзясяткаў кіламетраў ад лініі фронту. Такія дроны выкарыстоўваюцца для атак на склады паліва, пункты кіравання, сродкі супрацьпаветранай абароны і іншыя важныя аб’екты.
Важную ролю ў кіраванні гэтымі беспілотнікамі адыгрывае Starlink, бо сістэма дазваляе аператарам кіраваць імі на вялікіх адлегласцях.
Украінскія вайскоўцы сцвярджаюць, што расійскія войскі пачалі размяшчаць магутныя комплексы падаўлення сувязі каля вайсковых аб’ектаў і населеных пунктаў. Сярод іх называецца сістэма «Волна Купол Гарант», якая, паводле іх слоў, можа парушаць працу Starlink на тэрыторыі каля 20 квадратных кіламетраў.
Украінскія вайскоўцы заяўляюць, што ўжо выявілі каля дзесяці такіх комплексаў. Цяпер гэтыя сістэмы самі становяцца цэлямі для ўкраінскіх беспілотнікаў. Адзін з украінскіх камандзіраў заявіў, што пасля знішчэння аднаго з комплексаў падаўлення дроны з падключэннем да Starlink зноў пачалі працаваць без перашкод.
Амерыканскі эксперт Роб Лі адзначыў, што Расія паступова дасягае пэўных вынікаў у барацьбе з украінскімі беспілотнікамі. Паводле яго меркавання, павелічэнне вытворчасці сродкаў радыёэлектроннай барацьбы можа ўскладніць украінскія атакі на сярэдняй далёкасці.
Адключэнне «Старлінкаў»: як гэта паўплывала на ўкраінскую і расійскую арміі
Адключэнне ад Starlink запаволіла тэмпы расійскага наступлення. Але ці надоўга?
Украіна наносіць удары па расійскіх цэнтрах касмічнай сувязі. Што гэта дае?
Расія распрацавала сістэму РЭБ коштам $1,5 мільёна, здольную глушыць сігнал Starlink на плошчы 20 квадратных кіламетраў
Цяпер чытаюць
Бабарыка зоймецца бізнэсам — ужо адкрыў кампанію ў Германіі8
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу13
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары