Кіраўнік МЗС Расіі Сяргей Лаўроў паведаміў, што краіны АДКБ абмеркавалі магчымасць прымянення палажэнняў статута арганізацыі ў сувязі з тым, што Арменія больш за два гады не выплачвае ўзносы ў яе бюджэт.
Паводле артыкула 25 статута АДКБ дзяржава, якая мае запазычанасць больш за два гады, можа быць пазбаўлена права вылучаць сваіх грамадзян на квотныя пасады ў арганізацыі і права голасу ў яе органах да поўнага пагашэння запазычанасці.
У 2024 годзе прэм’ер-міністр Арменіі Нікол Пашынян абвясціў аб прыпыненні ўдзелу краіны ў АДКБ, пасля чаго армянскія ўлады спынілі фінансаванне арганізацыі. Пазней у Ерэване неаднаразова заяўлялі, што больш верагодным лічаць выхад з АДКБ, чым вяртанне да актыўнага ўдзелу ў ёй.
Асобна Сяргей Лаўроў закрануў пытанне еўрапейскай інтэграцыі Арменіі. У сакавіку 2025 года парламент краіны прыняў закон аб пачатку працэсу далучэння да Еўрапейскага саюза. Пры гэтым армянскі МЗС падкрэсліваў, што гэты дакумент не з’яўляецца афіцыйнай заяўкай на ўступленне ў ЕС, а адлюстроўвае намер паглыбляць супрацоўніцтва з Еўрасаюзам.
На думку расійскага міністра, удзел у Еўразійскім эканамічным саюзе (ЕАЭС) і магчымы рух да членства ў Еўрапейскім саюзе патрабуюць вызначэння далейшага курсу Арменіі, бо правілы функцыянавання гэтых аб’яднанняў, паводле пазіцыі Масквы, не сумяшчальныя.
У сваю чаргу, афіцыйная прадстаўніца МЗС Расіі Марыя Захарава заявіла, што Расія не лічыць магчымым захаванне Арменіяй усіх эканамічных пераваг удзелу ў ЕАЭС пры адначасовай падрыхтоўцы да інтэграцыі ў іншы эканамічны блок. Яна таксама раскрытыкавала палітыку Еўрапейскага саюза ў дачыненні да Арменіі і выказала меркаванне, што ЕС выкарыстоўвае супрацоўніцтва з краінай у сваіх геапалітычных інтарэсах.
Прарасійскія партыі прайгралі ў Арменіі, партыя Пашыняна атрымае 60% месцаў у парламенце
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
У Арменіі праходзяць парламенцкія выбары. Галоўным пытаннем на іх сталі адносіны з Расіяй
У Арменіі ЦВК адмовілася здымаць з выбараў галоўны прарасійскі блок
Пашынян: Вырашым і выйдзем з АДКБ. Мы не дазволім, каб Лукашэнка зноў стаў нашым гарантам
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна33
Каментары