У Мінску прадаюць асабняк, падобны да шляхецкай сядзібы XIX стагоддзя
У Зацані, на вуліцы Рабініцкай, выставілі на продаж вельмі незвычайны аб’ект. Спачатку можа падацца, што перад вамі — адрэстаўраваная шляхецкая сядзіба XIX стагоддзя. Але насамрэч гэтаму дому ўсяго 20 гадоў, піша Onliner.by.
Двухпавярховы асабняк нябесна-блакітнага колеру пабудаваны ў строгім класічным стылі: з масіўнымі калонамі, двума асобнымі ўваходамі (магчыма, адзін з іх можна назваць парадным) і вітражамі на вокнах. Унутры стылістыка таксама захоўваецца.
Агульная плошча асабняка складае 253 квадратныя метры, а вышыня столяў дасягае ўражлівых 3,5 метра. Цэнтральнае месца займае прасторная гасцёўня, якая сваімі маштабамі больш нагадвае залу для правядзення баляў. Галоўным упрыгожаннем інтэр’еру і яго кампазіцыйным цэнтрам стала вялікая кафляная печ.
Пры гэтым жыллё цалкам гатовае да засялення: базавы набор мэблі і сантэхнікі ўжо ёсць.
Планіроўка катэджа даволі функцыянальная. На першым паверсе размясціліся сумешчаная кухня-гасцёўня, тры жылыя пакоі і два санвузлы. Мансардны ўзровень аддадзены пад яшчэ адзін жылы пакой з уласнай гардэробнай.
У аб’яве таксама згадваецца наяўнасць лазні і басейна. На фотаздымках іх няма, таму, хутчэй за ўсё, хатняе спа схавана ад вачэй на цокальным паверсе.
Асабняк размешчаны на прасторным участку плошчай 28 сотак. Акрамя асноўнага будынка, на тэрыторыі ўладкаваны асобны гасцявы домік.
Стаць уладальнікам сучаснай сядзібы ў межах горада прапануюць за $750 000 у эквіваленце.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары