U Minsku pradajuć asabniak, padobny da šlachieckaj siadziby XIX stahodździa
U Zacani, na vulicy Rabinickaj, vystavili na prodaž vielmi niezvyčajny abjekt. Spačatku moža padacca, što pierad vami — adrestaŭravanaja šlachieckaja siadziba XIX stahodździa. Ale nasamreč hetamu domu ŭsiaho 20 hadoŭ, piša Onliner.by.
Dvuchpaviarchovy asabniak niabiesna-błakitnaha koleru pabudavany ŭ strohim kłasičnym styli: z masiŭnymi kałonami, dvuma asobnymi ŭvachodami (mahčyma, adzin ź ich možna nazvać paradnym) i vitražami na voknach. Unutry stylistyka taksama zachoŭvajecca.
Ahulnaja płošča asabniaka składaje 253 kvadratnyja mietry, a vyšynia stolaŭ dasiahaje ŭražlivych 3,5 mietra. Centralnaje miesca zajmaje prastornaja haścioŭnia, jakaja svaimi maštabami bolš nahadvaje zału dla praviadzieńnia balaŭ. Hałoŭnym upryhožańniem interjeru i jaho kampazicyjnym centram stała vialikaja kaflanaja pieč.
Pry hetym žyllo całkam hatovaje da zasialeńnia: bazavy nabor mebli i santechniki ŭžo jość.
Płaniroŭka katedža davoli funkcyjanalnaja. Na pieršym paviersie raźmiaścilisia sumieščanaja kuchnia-haścioŭnia, try žyłyja pakoi i dva sanvuzły. Mansardny ŭzrovień addadzieny pad jašče adzin žyły pakoj z ułasnaj harderobnaj.
U abjavie taksama zhadvajecca najaŭnaść łaźni i basiejna. Na fotazdymkach ich niama, tamu, chutčej za ŭsio, chatniaje spa schavana ad vačej na cokalnym paviersie.
Asabniak raźmieščany na prastornym učastku płoščaj 28 sotak. Akramia asnoŭnaha budynka, na terytoryi ŭładkavany asobny haściavy domik.
Stać uładalnikam sučasnaj siadziby ŭ miežach horada prapanujuć za $750 000 u ekvivalencie.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary