«Звычайна ўжо раніцай 60 чалавек было». У Мінску збіраецца вялікая чарга па бярозавы сок
У Мінску пачаўся сезон продажу бярозавіку. Кошт соку непасрэдна ад лясніцтваў сёлета — 55 капеек за адзін літр (а ў крамах будзе ў разы даражэй). Чэргі ўжо з'яўляюцца, але пакуль не такія вялікія, як у мінулыя гады, піша Onliner.by.
Юрый расказаў, што сок пачалі прадаваць у лясніцтве на вуліцы Баграціёна, 70. Літр каштуе 55 капеек.
— Я прыехаў з двума каністрамі па 10 літраў — заплаціў 11 рублёў. Сказалі, што продаж ідзе ўсяго другі дзень, сезон толькі пачаўся, — кажа ён.
Па словах мінчука, людзі прыходзяць з вялікімі ёмістасцямі, каб назапасіцца сокам: бяруць пяцілітровыя бутэлькі, каністры і нават бочкі.
Юрый прыехаў днём, каля 14:00, і чакаў убачыць доўгую чаргу, але людзей аказалася няшмат.
— Было чалавек 10—20 максімум. Я пачакаў каля 20 хвілін, хутка набраў сок, расплаціўся і паехаў дадому, — расказаў ён.
Ён адзначае, што ў мінулыя гады сітуацыя выглядала інакш: у першыя дні продажаў ужо з раніцы збіралася па 50—60 чалавек — многія прыязджалі на машынах ці грамадскім транспарце. Пакуль жа, нягледзячы на добрае надвор'е, ажыятаж застаецца ўмераным.
У Мінскім лясніцтве пацвердзілі, што бярозавы сок у іх ужо можна купіць — з 10:00 да 20:00, без абеду.
Дзе купіць бярозавы сок у Мінску
У Мінску бярозавы сок прадаюць у некалькіх пунктах:
- вул. Баграціёна, 70 — штодня з 10:00 да 19:00, без выхадных
- Лагойскі тракт, 52 (пляцоўка «Лясны домік») — штодня з 10:00 да 18:00
- вул. Ціміразева, 118 — з 09:00 да 18:00, без выхадных
- ГЦ «Тытан», пр-т Дзяржынскага, 104А — з 11:00 да 19:00
- вул. Леаніда Левіна, 8
Цана:
- 1 літр у тару пакупніка — 0,55 рубля
- 5 літраў у ПЭТ-бутэльцы — 4,78 рубля
Таксама сок можна купіць ва ўсіх лясніцтвах Мінскага лясгаса:
- Валмянскае лясніцтва (Дзяржынскі раён, в. Скірмантава)
- Дзяржынскае лясніцтва (г. Дзяржынск, 1‑ы зав. Пратасава, 4)
- Заслаўскае лясніцтва (г. Заслаўль, вул. Набярэжная, 43)
- Кайкаўскае лясніцтва (в. Кайкава, п/а Міханавічы, 103)
- Навасельскае лясніцтва (в. Наваселле, вул. Лясная, 1)
- Путчынскае доследна-вытворчае лясніцтва (а.г. Путчына, вул. Паўночная, 21)
- Станькаўскае лясніцтва (в. Станькава, вул. М. Казея, 2)
Цана ў лясніцтвах ніжэй:
- 1 літр — 0,42 рубля
- 5 літраў — 3,2 рубля
З-за высокага попыту магчымыя перабоі з пастаўкамі.
Каментары