Прэзідэнт Расіі Уладзімір Пуцін заявіў, што Расія гатовая аднавіць пастаўкі нафты і газу ў Еўропу на фоне энергетычнага крызісу, які ўзнік праз канфлікт вакол Ірана. Пра гэта ён сказаў падчас нарады ў Крамлі, прысвечанай сітуацыі на сусветным рынку нафты і газу, піша The Moscow Times.
Пуцін падкрэсліў, што Расія ніколі сама не адмаўлялася пастаўляць энергарэсурсы ў Еўропу. Паводле яго слоў, калі еўрапейскія кампаніі і пакупнікі вырашаць зноў супрацоўнічаць і забяспечаць доўгатэрміновую і стабільную працу без палітычнага ціску, расійскі бок гатовы аднавіць такое супрацоўніцтва.
Ён таксама адзначыў, што Расія працягвае пастаўляць энергарэсурсы ў Венгрыю і Славакію — краіны Еўрасаюза, якія і цяпер купляюць расійскія нафту і газ. Акрамя таго, экспарт павялічваецца ў іншыя дзяржавы, якія Масква лічыць надзейнымі партнёрамі.
На думку Пуціна, вайна ў Іране і блакаванне Армузскага праліва, праз які праходзіць каля траціны сусветнага гандлю нафтай, можа сур’ёзна паўплываць на сусветную эканоміку. Ён мяркуе, што гэта прывядзе да росту інфляцыі, праблем у вытворчасці тавараў і новага ўзроўню цэн на энергарэсурсы, бо хутка замяніць нафту і газ з Блізкага Усходу амаль немагчыма. Таксама ён папярэдзіў, што здабыча нафты ў рэгіёне, звязаная з гэтым пралівам, можа спыніцца ўжо найбліжэйшым месяцам.
Палітык падкрэсліў, што расійскія энергетычныя кампаніі заўсёды лічыліся надзейнымі пастаўшчыкамі. Ён дадаў, што высокія сусветныя цэны нафты, якія нядаўна дасягалі каля 119 даляраў за бараль, варта выкарыстоўваць для зніжэння даўгоў энергетычных кампаній перад расійскімі банкамі.
«Кхэ-кхэ». Крэмль выпадкова апублікаваў неадрэдагаванае відэавіншаванне Пуціна з 8 сакавіка
Калі вайна ў Іране ў найбліжэйшы час не скончыцца, свет можа ўступіць у наймацнейшы энергакрызіс з 1970‑х гадоў
Макрон заявіў пра намер Францыі разам з іншымі краінамі Захаду разблакаваць Армузскі праліў
Танкер з саудаўскай нафтай прайшоў праз Армузскі праліў, нягледзячы на блакаду з боку Ірана
Трамп: Цэны на нафту ўпадуць пасля знішчэння ядзернай праграмы Ірана
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»7
Каментары
"ЗША затрымалі ўжо шосты замежны танкер"
-NN