У Італіі затрымалі 36‑гадовага грамадзяніна Беларусі, які абакраў кватэру, а пасля гэтага паспрабаваў згуляць у дзяржаўную латарэю за грошы здабытыя такім чынам, паведаміла мясцовая паліцыя.
Мужчына абакраў кватэру ў прыбярэжным горадзе Осція недалёка ад Рыма. Ён скраў грошы, банкаўскія карткі і асабістыя рэчы ўладальнікаў. Пасля таго беларус спрабаваў пакінуць месца злачынства на чужым электрасамакате, але быў заўважаны гаспадыняй. Пасля таго, як жанчына закрычала, мужчына пакінуў самакат і ўцёк.
Пасля таго ён вырашыў купіць латарэйныя білеты Gratta e Vinci, расплаціўшыся скрадзенымі карткамі. Гаспадыня кватэры, аднак, адразу атрымала апавяшчэнні пра транзакцыі ў банкаўскім дадатку і паведаміла ў службу экстраннай дапамогі.
Паліцыя хутка высветліла месца здзяйснення аперацый і затрымала падазраванага каля аўтамата для продажу білетаў побач з табачнай крамай. Пры ператрусе ў яго знайшлі кашалёк уладальніцы, астатнія грошы, банкаўскія карткі і частку іншых скрадзеных рэчаў — планшэт і бесправадныя навушнікі, схаваныя ў куртцы пад кустом.
Дзякуючы геалакацыі італьянскія праваахоўнікі змаглі хутка знайсці і астатнія рэчы, скрадзеныя ў кватэры.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары