Хэйтарскія акаўнты аўтобусаў — новы трэнд беларускіх зумераў

Пасажыры адзначаюць адразу некалькі хранічных праблем: аўтобусы і тралейбусы рэгулярна спазняюцца або, наадварот, прыязджаюць раней за пазначаны час, транспарт перапоўнены настолькі, што ў салон фізічна немагчыма зайсці, а стан саміх машын вымушае жадаць лепшага.

Да гэтых скаргаў усё часцей далучаецца моладзь — прадстаўнікі пакалення Z. Замест звыклых зваротаў у кіраўніцтва аўтобусных паркаў або каментароў у чатах яны выбралі больш арыгінальны спосаб вырашэння праблемы — стварэнне так званых хэйтарскіх акаўнтаў у тыктоку.

У кароткіх роліках зумеры адкрыта, з іроніяй і нецэнзурнай лексікай дзеляцца сваім абурэннем, здымаючы канкрэтныя аўтобусы, якія іх не задавальняюць. Такія відэа хутка набіраюць тысячы праглядаў і сотні каментароў.

У беларускім сегменце тыктока ўжо з’явіліся хэйтарскія акаўнты, прысвечаныя аўтобусам Гродна і Мазыра. Пад шквал крытыкі таксама трапіў грамадскі транспарт Гомеля і Віцебска.

У Гродне найбольш негатыўных водгукаў атрымалі аўтобусы № 1, 13, 16, і 20. Гараджане наракаюць, што транспарт рухаецца занадта марудна, не выконвае графік і можа з’явіцца на прыпынку калі заўгодна. Асабліва шмат абурэння выклікае 13‑ты маршрут, які, паводле пасажыраў, пастаянна парушае расклад і «цягнецца» без бачнай прычыны.

@hater16grodno ну классно че сказать #rge #автобус #13автобус #Гродно #13ыйМудак ♬ sonido original - MrCorme

Пра 16‑ты аўтобус людзі пішуць з сарказмам, называючы яго надта «філасофскім» і «медытатыўным» — настолькі павольна ён рухаецца. Аўтобус № 1 выклікаў крытыку не толькі з-за хуткасці, але і праз паводзіны кіроўцы: сцвярджаецца, што ён пакінуў пасажыраў на прыпынку дзеля асабістых спраў.

@hater16grodno удивил сегодня #хейт #автобус #16говно #fup ♬ оригинальный звук - Akvapp

Не засталіся без увагі і тралейбусы. Маршрут № 6 абвінавачваюць у тым, што ён проста не прыязджае ў прызначаны час, пакідаючы людзей чакаць на холадзе. А вось тралейбус № 9 нечакана атрымаў «пахвалу» — але хутчэй іранічную, бо яго своечасовы прыезд успрынялі як нешта выключнае.

Павялічыць

@1avtobusgrodno #автобусы #гродно ♬ Подлая Еврейская Музыка (Kirby Air Ride: Item Bounce) - Dobranotch

У Мазыры галоўнымі аб’ектамі крытыкі сталі аўтобусы № 19 і № 23. Пра 19‑ты маршрут кажуць коратка: ён амаль заўсёды спазняецца. А 23‑ці выклікае значна больш прэтэнзій — ад хаатычнага руху да дрэннага тэхнічнага стану. Пасажыры скардзяцца на зношаныя салоны, надпісы на сценах, праблемы з дзвярыма і нават выпадкі, калі аўтобус едзе з імі напаўадчыненымі.

@19avtik #Мозырь #автобус #транспорт #гробовозка #рекомендации ♬ оригинальный звук - РПЛ

У Гомелі ўвагу пасажыраў прыцягнуў аўтобус № 18. Ён вядомы пастаяннымі спазненнямі, таму нават невялікае адхіленне ад графіка ўспрымаецца як нечаканы поспех.

@anti.18bus #18автобус #автобус #гомель ♬ ПАНЦУШОТ - ПАНЦУШОТ

У Віцебску ж жарты выклікала сітуацыя з аўтобусамі № 14 і № 23. Паводле пасажыраў, 14‑ты маршрут рэгулярна прыязджае раней і «забірае» людзей у 23-га, што стала падставай для іранічных відэа пра «барацьбу за пасажыраў».

@boorrrrrrr8 14 офигел☠️☠️☠️ #fyp #рекомендации #рек #автобус #14автобус ♬ Воу это страшная фотка - o.0

Дзеля справядлівасці варта адзначыць: у Беларусі існуюць і фан-акаўнты грамадскага транспарту. Напрыклад, у Гродне пасажыры хвалілі тралейбус № 23 і іншыя маршруты, якія, па іх словах, «ніколі не спазняюцца». Аднак такія відэа збіраюць значна менш праглядаў і рэакцый.

@23tralikgrodno 23 тралик❤ #grodno #23grodno #троллейбус23гродно #гродно23тралик #траликгродно ♬ оригинальный звук - фанат 23 троллейбуса

• 1
• 2
• 6
• 2
• 0
• 0
• 0
• 1