Расія зноў ударыла па энергетыцы Украіны: у Харкаве і Кіеве адключаюць ацяпленне ў 20‑градусны мароз
Мэр Харкава Ігар Церахаў паведаміў, што пасля расійскіх удараў па энергетычнай інфраструктуры ўлады горада вымушаны адключыць ацяпленне ў 820 дамах, «якія засілкаваныя ад адной з самых вялікіх ЦЭЦ».
Тым часам Украінская служба Бі-бі-сі перадае, што пасля першых удараў па Кіеве балістычнымі ракетамі ў многіх раёнах сталіцы знікла цеплазабеспячэнне і святло.
Ва Украіне зараз самая халодная ноч зімы і тэмпература ў Харкаве і Кіеве апусцілася да 20 градусаў марозу.
Церахаў напісаў у сваім тэлеграм-канале, што абстрэл Харкава «працягваецца ўжо больш за тры гадзіны».
«Удары ідуць мэтанакіравана па энергетычнай інфраструктуры, — піша мэр горада. — Мэта відавочная: нанесці ёй максімальныя разбурэнні і пакінуць горад без цяпла ў моцны мароз».
Кіяўляне паведамляюць, што ў горадзе зноў знікае цяпло, якое амаль аднавілі ва ўсіх раёнах сталіцы пасля масіраваных удараў па энергетыцы, якія адбываліся з пачаткам 2026 года.
Цяпер чытаюць
Зорка брэйкдансу з Віцебска атрымаў 11 гадоў турмы ў Кітаі. Што здарылася?4
Каментары
Отто фон Бисмарк.