Інфармацыю сіноптыкаў пра тое, што апошнімі днямі ў Мінску захоўваецца павышаны ўзровень забруджвання паветра, улады палічылі нявыгаднай для сябе. У каментары пад адпаведнымі ролікамі ў тыктоку наляцелі боты-прапагандысты.
Паводле звестак Белгідрамета, 20—21 студзеня ў Мінску фіксаваліся перавышэнні гігіенічных нарматываў забруджвання паветра. Гэта было звязана з метэаралагічнымі з'явамі: не было ветру, а яшчэ і інверсіі паветра не было, бо паветра каля зямлі было халаднейшым, чым у вышэйшых слаях атмасферы.
Але боты атрымалі загад даказаць, што акрамя з'яваў шчасця ніякіх іншых з'яваў няма. «Гуляю кожны дзень, нічога не заўважаю» — такія аднатыпныя каменты з'явіліся адначасова.
«А мы гуляем ва Уруччы кожны дзень. Атрымліваем асалоду ад зімовай прыгажосці, надвор'я. Падобнага не заўважылі», «Жыву паміж Уруччам і Радыяльнай, гуляю доўга кожны дзень, нічога незвычайнага не заўважыла. Свежае марознае паветра!!!» — пішуць боты і запэўніваюць: «Усё ў нас выдатна, не прыдумляйце».
Іншыя сцвярджаюць, што дыхаецца ім «шыкоўна», а паведамленні пра дрэнную якасць паветра называюць «поўнай лухтой»:
«Сёння гулялі па вуліцы, дыхалася шыкоўна».
«Поўная лухта!!!!!»
«Поўная лухта, як дыхалася, так і дыхаецца… Рэзкі перапад тэмпературы, вось шэрань і з’явілася…»
«Ніякага смогу няма».
Імаверна, боты зладзілі і пераклічку раёнаў.
«Жыву ва Уруччы, і нармальнае ў нас паветра. Нармальна дыхаецца, марозна. Не трэба прыдумляць казкі і нагнятаць. Усё ў нас добра як у Мінску, так і ва ўсёй краіне».
«Ленінскі раён. Нармальна ўсё».
«Нармальна ўсё, Заводскі раён».
«Ва Уруччы ўсё нармальна».
«Нічога падобнага ва Уруччы няма. Жыву ва Уруччы. Адкуль вы гэта выкапалі?»
«Цікава!!! Сёння быў ва ўсіх раёнах Мінска!!!! Усё выдатна! Мароз і сонца!!! Каму там цяжка дыхаць???»
«Партызанскі раён… усё добра… Свежае марознае паветра».
Між тым звычайныя людзі пісалі зусім іншае:
«А я думаю, чаму ва Уруччы пах, як у аўтамайстэрнях».
«Раён Бібліятэкі — увесь дзень няма чым дыхаць. Толькі да вечара трохі адступае».
«На Каменнай Горцы таксама».
«На Радыяльнай жах».
Некаторыя карыстальнікі нават дзяліліся скрыншотамі са сваіх гаджэтаў з данымі пра якасць паветра.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары