«Мы нібы забываем, што Беларусь знаходзіцца ў вельмі шчыльным кантролі Расіі».
Аналітык Арцём Шрайбман тлумачыць, чаму ў Беларусі не будзе як у Венесуэле, дзе нядаўна амерыканцы выкралі Мадура і трымаюць на кантролі транзіт улады.
«Мы нібы забываем, што Беларусь знаходзіцца ў вельмі шчыльным кантролі Расіі і нібыта яна будзе бяздзейнічаць у гэтых сцэнарыях», — разважае Шрайбман у ютуб-перадачы «Гадзіннічак цікае».
«Мне здаецца, што калі адбываецца сцэнар радыкальнага перакройвання палітычнага поля, то — у Расіі і так рукі развязаны — гэты сцэнар запрашае яе да таго, каб сказаць: выбачайце, гэта не будзе адбывацца па вашым сцэнарыі. Вось Расгвардыя, яна і вызначыць параметры. У нас там «Арэшнік» стаіць, у нас там ядзерная зброя нібыта стаіць (у гэты момант яна абавязкова з'явіцца, прынамсі ў навінавым полі)».
«Такія сцэнары ў Беларусі сёння і на блізкую перспектыву, пакуль Расія не рассыпалася, яны для мяне, хутчэй за ўсё, прыводзяць да простага акупацыйнага сцэнара», — выказаў меркаванне Шрайбман.
-
Фядута — Калеснікавай: Машанька, ці вярніцеся на Месяц, ці не вучыце жыць тых, хто стаміўся набіваць гузы ад чарговага наступання на граблі
-
Мінску трэба выдушыць з сябе правінцыйнасць і вярнуць нахабства і бляск Вялікага Горада
-
Каму яшчэ што можа стаць трэба «для нацыянальнай бяспекі» і як тут быць Беларусі
Каментары