Паміж канцлерам Германіі Фрыдрыхам Мерцам і прэзідэнтам Францыі Эмануэлем Макронам узмацняецца напружанасць. Пра гэта піша нямецкае выданне Der Spiegel, адзначаючы, што разыходжанні паміж лідарамі нарастаюць у асабліва складаны для Еўропы момант, калі перад ёй паўстаюць фактычна экзістэнцыйныя выклікі.
Адной з прычын новага канфлікту стала заява Макрона пра мэтазгоднасць магчымай размовы з Уладзімірам Пуціным. У Берліне гэтую ініцыятыву каментаваць не сталі, і, як мяркуе выданне, яна не была ўзгодненая з Мерцам. Таму нямецкі канцлер, відаць, абраў тактыку маўчання, каб не дапусціць адкрытага канфлікту паміж Германіяй і Францыяй.
Партнёры па ЕС, у тым ліку і Германія, сустрэлі прапанову французскага прэзідэнта даволі стрымана, у той час як у Крамлі ідэю дыялогу ўспрынялі з энтузіязмам і заявілі пра гатоўнасць Пуціна да перамоў.
Der Spiegel адзначае, што гэты выпадак — толькі адзін з шэрагу рознагалоссяў паміж Парыжам і Берлінам, якія становіцца ўсё цяжэй хаваць. Тандэм Макрона і Мерца, які першапачаткова разглядалі як аснову для аб’яднання Еўропы, паступова распадаецца.
Аўтары матэрыялу падкрэсліваюць, што абодва лідары аслабленыя ўнутрыпалітычнымі праблемамі ў сваіх краінах і таму імкнуцца ўмацаваць свой аўтарытэт на міжнароднай арэне. І Макрон, і Мерц прэтэндуюць на ролю галоўнага прадстаўніка ЕС у адносінах з такімі сусветнымі гульцамі, як ЗША, Расія і Кітай. Аднак у час, калі Украіна і ўся Еўропа стаяць перад сур’ёзнымі выклікамі, галоўны дуэт кантынента ўсё больш разыходзіцца ў поглядах.
Раней Financial Times таксама пісала пра канфлікт паміж двума лідарамі, сцвярджаючы, што Макрон фактычна «здрадзіў» Мерцу. Адным з ключавых камянёў спатыкнення стала пытанне выкарыстання замарожаных расійскіх актываў. Калі Мерц выступаў за накіраванне каля 210 мільярдаў еўра на дапамогу Украіне, то Макрон у выніку падтрымаў пазіцыю Бельгіі і Італіі, якія выступаюць супраць такога рашэння.
Паміж Уіткафам і Рубіа ідзе непублічнае суперніцтва адносна фармату мірнага плана па Украіне
Чаму ўлады ЕС не сталі канфіскоўваць замарожаныя расійскія актывы?
ЗША і краіны Еўропы падрыхтавалі прапановы плана падтрымкі Украіны пасля вайны
Мерц, Макрон і Стармер абмеркавалі з Трампам сітуацыю ва Украіне
Герой Беларусі Марына Васілеўская нарадзіла дачку ад касманаўта Алега Навіцкага12
Каментары
У кіне Эмануэль рашучая здольная годная вартая ..
Рэальны толькі " міраж" Ні здзіўляе )) 85 год таму падобныя здаліся іньшыя ваявалі за нацыстаў ці камуністы
Пасля вызвалення " саюзнікамі" Францыі рашуча здольныя толькі з бардэлей дзевак галіць зневажаць Бардэлі у якіх самі гарсон і працавалі