Трамп заявіў, што Расія пагадзілася на ягоны мірны план, а Зяленскі нават не чытаў яго
Прэзідэнт ЗША заявіў, што «крыху расчараваны» прэзідэнтам Украіны.
Прэзідэнт ЗША Дональд Трамп паведаміў, што Расія нібыта пагадзілася на «мірны план», у той час як прэзідэнт Украіны Уладзімір Зяленскі нават не азнаёміўся з ім. Пра гэта ён заявіў падчас размовы з прэсай на мерапрыемстве Цэнтра выканаўчых мастацтваў імя Джона Ф. Кенэдзі ў Вашынгтоне ўвечары 7 снежня (трансляцыя Белага дома), піша «Украінская праўда».
Адказваючы на пытанне журналіста пра тое, які будзе наступны крок у мірных перамовах Украіны і Расіі, Трамп адзначыў, што «крыху расчараваны» Зяленскім.
«Мы размаўлялі з прэзідэнтам Пуціным і з украінскімі лідарамі, у тым ліку з прэзідэнтам Зяленскім. І мушу сказаць, што я крыху расчараваны тым, што прэзідэнт Зяленскі яшчэ не прачытаў прапановы. Гэта было некалькі гадзін таму. Яго людзі яе ўхвалілі, але ён — не.
Расія з гэтым згодная. Расія, думаю, хацела б атрымаць усю краіну, калі так падумаць. Але Расія, як я мяркую, згодная з гэтым (з мірным планам). Але я не ўпэўнены, што Зяленскі з гэтым згодны. Ягоная каманда гэта падтрымлівае, а ён гэтага не прачытаў».
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары
Ты памыляесься .