МАГАТЭ: Саркафаг на Чарнобыльскай АЭС пасля ўдару беспілотніка страціў асноўныя функцыі бяспекі
Міжнароднае агенцтва па атамнай энергіі (МАГАТЭ) апублікавала вынікі абследавання саркафага на Чарнобыльскай АЭС, у які ў лютым 2025 года трапіў беспілотнік, піша «Медуза».
Паводле даных МАГАТЭ, саркафаг «страціў свае асноўныя функцыі бяспекі, уключаючы магчымасці па абмежаванні (выкіду радыеактыўных рэчываў)». Пры гэтым эксперты прыйшлі да высновы, што незваротных пашкоджанняў несучых канструкцый або сістэм маніторынгу саркафага няма.
«На даху быў праведзены абмежаваны часовы рамонт, але своечасовае і комплекснае аднаўленне застаецца неабходным для прадухілення далейшага разбурэння і забеспячэння доўгатэрміновай ядзернай бяспекі», — сказаў генеральны дырэктар МАГАТЭ Рафаэль Гроссі.
У 2026 годзе, гаворыцца ў распаўсюджаным агенцтвам паведамленні, плануецца пры падтрымцы Еўрапейскага банка рэканструкцыі і развіцця правесці на саркафагу часовы рамонт, каб пасля заканчэння вайны цалкам аднавіць ахоўнае збудаванне.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары