КДБ прызнаў «экстрэмісцкім фармаваннем» фірму, у якой працаваў зніклы Анатоль Котаў
Гаворка пра Terra Group Event, якая арганізоўвала мерапрыемствы для Wargaming, Softswiss і Andersen. Менавіта ў гэтай кампаніі працаваў Котаў перад знікненнем.
21 жніўня Котаў вылецеў з Варшавы ў турэцкі горад Трабзон, а затым нібыта пакінуў Турцыю марскім шляхам на прыватнай яхце ў бок Сочы. Дакладных пацверджаных дадзеных пра ягоны маршрут або месцазнаходжанне няма.
Анатоль Котаў раней працаваў у дзяржаўных структурах Беларусі, у тым ліку ў Міністэрстве замежных справаў і Нацыянальным алімпійскім камітэце. Пасля выбараў 2020 году ён эміграваў у Польшчу і быў звязаны з беларускім апазіцыйным рухам.
Кіраўніком кампаніі Terra Group Event з'яўляецца 39‑гадовы былы палітвязень-бабарыканец Віталь Крыўко, які згадваецца ў паведамленні пра прызнанне кампаніі «экстрэмісцкім фармаваннем». Другая асоба, згаданая ў сувязі з гэтым — 42‑гадовы Андрэй Ярашэвіч, затрыманы ў сакавіку 2025 года. Яго абвінавачваюць паводле арт. 356 (здрада дзяржаве) і арт. 361-2 (фінансаванне экстрэмісцкай дзейнасці) Крымінальнага кодэкса.
Цяпер чытаюць
У Мінску пачалі судзіць трох беларусаў, якім павесілі «тэрарызм» і «здраду дзяржаве». Аднаго з іх затрымалі ў Крыме1
У Мінску пачалі судзіць трох беларусаў, якім павесілі «тэрарызм» і «здраду дзяржаве». Аднаго з іх затрымалі ў Крыме
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары