Вярхоўны суд Расіі абвясціў Фонд барацьбы з карупцыяй тэрарыстычнай арганізацыяй
Вярхоўны суд РФ абвясціў амерыканскую юрыдычную асобу Фонду барацьбы з карупцыяй Аляксея Навальнага «тэрарыстычнай арганізацыяй» і забараніў яго дзейнасць на тэрыторыі Расіі, паведамляе «Інтэрфакс».
Судовы працэс праходзіў у закрытым рэжыме. Справу разглядаў вярхоўны суддзя Алег Няфёдаў. Сярод іншага ён вядомы тым, што абвясціў у Расіі экстрэмісцкімі неіснуючыя «міжнародны рух ЛГБТ» і «міжнародны рух сатанізму». Ён таксама раней адхіляў тры пазовы Аляксея Навальнага да Міністэрства юстыцыі РФ.
Каманда Аляксея Навальнага апублікавала заяву, у якой пракаментавала рашэнне Вярхоўнага суда РФ: «Гэта палітычная тэхналогія расійскіх уладаў: абвясціць ворагам дзяржавы кожнага, хто перашкаджае красці і весці бясконцую вайну. Мы не тэрарысты, і гэта разумеюць усе. Гэта разумеем мы і нашы прыхільнікі. Гэта выдатна разумеюць і тыя, хто падпісвае такія рашэнні. Тэрарыстамі з’яўляюцца Уладзімір Пуцін і яго прыхвасні — людзі, якія развязалі вайну, забіваюць мірных жыхароў і палітычных апанентаў, кідаюць людзей у турмы».
Каментары