Viarchoŭny sud Rasii abviaściŭ Fond baraćby z karupcyjaj terarystyčnaj arhanizacyjaj
Viarchoŭny sud RF abviaściŭ amierykanskuju jurydyčnuju asobu Fondu baraćby z karupcyjaj Alaksieja Navalnaha «terarystyčnaj arhanizacyjaj» i zabaraniŭ jaho dziejnaść na terytoryi Rasii, paviedamlaje «Interfaks».
Sudovy praces prachodziŭ u zakrytym režymie. Spravu razhladaŭ viarchoŭny sudździa Aleh Niafiodaŭ. Siarod inšaha jon viadomy tym, što abviaściŭ u Rasii ekstremisckimi nieisnujučyja «mižnarodny ruch ŁHBT» i «mižnarodny ruch satanizmu». Jon taksama raniej adchilaŭ try pazovy Alaksieja Navalnaha da Ministerstva justycyi RF.
Kamanda Alaksieja Navalnaha apublikavała zajavu, u jakoj prakamientavała rašeńnie Viarchoŭnaha suda RF: «Heta palityčnaja technałohija rasijskich uładaŭ: abviaścić voraham dziaržavy kožnaha, chto pieraškadžaje kraści i vieści biaskoncuju vajnu. My nie terarysty, i heta razumiejuć usie. Heta razumiejem my i našy prychilniki. Heta vydatna razumiejuć i tyja, chto padpisvaje takija rašeńni. Terarystami źjaŭlajucca Uładzimir Pucin i jaho prychvaśni — ludzi, jakija raźviazali vajnu, zabivajuć mirnych žycharoŭ i palityčnych apanientaŭ, kidajuć ludziej u turmy».
Kamientary