Туск заявіў пра гатоўнасць адкрыць Баброўнікі і Кузніцу з лістапада
«Мы будзем гатовыя адкрыць два памежныя пераходы ў Баброўніках і Кузніцы», — заявіў 28 кастрычніка прэм’ер-міністр Польшчы Дональд Туск. Адкрыццё пераходаў плануецца на лістапад.
«Калі мы кажам пра тое, што гэтыя пераходы могуць быць адкрытыя, то галоўным чынам таму, што мяжа цяпер ахоўваецца так добра, як ніколі раней. Дзякуючы нашым сумесным намаганням польска-беларуская мяжа, бадай што, цяпер з’яўляецца мяжой, якая ахоўваецца найлепш у Еўропе. І дзякуючы гэтаму мы можам дазволіць сабе пэўную рызыку, звязаную з адкрыццём гэтых пераходаў, бо мяркуем, што карысць ад гэтага большая, чым рызыка, звязаная з гэтым. Менавіта таму, што атрымалася ўмацаваць гэтую мяжу», — падкрэсліў польскі прэм’ер.
Туск адзначыў, што гэта будзе «пробнае» рашэнне.
«Усё сведчыць пра тое, што калі мы ўзгоднім гэтую справу таксама з літоўцамі, скаардынуем нашы дзеянні, то ў лістападзе павінны адкрыць гэтыя два пераходы. Скажам так: на пробу», — дадаў ён, адзначыўшы, што «калі з якіх-небудзь прычын давядзецца закрыць мяжу, ён не будзе вагацца ні хвіліны».
«Спадзяюся, што ўсе разумеюць, па абодва бакі мяжы, без выключэння, што гэтыя пераходы могуць служыць звычайным людзям», — дадаў ён.
Па словах польскага прэм'ера, у выпадку Баброўнікаў «няма лагістычных» праблем для адкрыцця пераходу. Што тычыцца Кузніцы, то да канца года рух будзе дазволены толькі для аўтамабіляў вагой да 3,5 тоны. Прычына — рамонт пакрыцця дарогі, які ідзе акурат цяпер.
«Што тычыцца Полаўцаў (Полаўцы-Пяшчатка), то пакуль там знаходзіцца вайсковы лагер, гаварыць пра яго адкрыццё немагчыма», — патлумачыў Туск.
Раней Польшча закрыла шэраг пераходаў з Беларуссю, спасылаючыся на пытанні бяспекі і пагаршэнне адносін паміж Варшавай і Мінскам. Паводле Туска, адкрыццё новых пунктаў можа стаць «крокам да нармалізацыі кантролю на мяжы», калі сітуацыя застанецца стабільнай.
Адкрыццё пераходаў можа сведчыць пра асцярожную нармалізацыю ў адносінах дзвюх краін. Пакуль няясна, што абяцае Мінск узамен.
Як выехаць з Беларусі ў Еўропу і вярнуцца назад, калі мяжа з Літвой закрытая? Спойлер: варыянтаў не шмат
Што рабіць, калі мяжу зноў раптам закрыюць? Беларусы абмяркоўваюць, як планаваць паездку ў новых рэаліях
«Ён сапраўды як мала хто заслужыў яе» — Мілінкевіч пра прэмію для Пачобута
Польшча рэзка скараціла выдачу міжнароднай абароны замежнікам, у тым ліку беларусам
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе9
Каментары