24 кастрычніка ўпершыню ў Беларусі брыгадай спецыялістаў Гродзенскага абласнога клінічнага кардыялагічнага цэнтра і РНПЦ дзіцячай хірургіі праведзена ўнікальная аперацыя — эндаваскулярнае пратэзаванне клапана лёгачнай артэрыі і стэнтаванне каранарных артэрый.
Унікальнасць гэтага аператыўнага ўмяшання ў тым, што гэта першы пацыент, якому гэта аперацыя спатрэбілася ў сувязі з развіццём вострага інфаркту міякарда і значнага стэнозу клапана лёгачнай артэрыі на фоне наяўнага, скарэктаванага ў дзяцінстве, прыроджанай заганы сэрца — тэтрады Фала (парок сэрца, які ўключае чатыры анамаліі), паведамляе Мінздароўя.
Выратаваць пацыента ўдалося без адкрытай аперацыі, а менавіта мініінвазіўным метадам эндаваскулярнай хірургіі — хірургічныя ўмяшанні, якія праводзяцца на крывяносных сасудах празскурным доступам пад кантролем метадаў прамянёвай візуалізацыі з выкарыстаннем спецыяльных інструментаў.
Аперацыю правяла брыгада Гродзенскага абласнога клінічнага кардыяцэнтра пад кіраўніцтвам загадчыка аддзялення рэнтгенэндаваскулярнай хірургіі Аляксея Максімчыка і загадчыка рэнтгенаперацыйнай РНПЦ дзіцячай хірургіі Паўла Чарнаглаза.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу22
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4242
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ42
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары