24 kastryčnika ŭpieršyniu ŭ Biełarusi bryhadaj śpiecyjalistaŭ Hrodzienskaha abłasnoha kliničnaha kardyjałahičnaha centra i RNPC dziciačaj chirurhii praviedziena ŭnikalnaja apieracyja — endavaskularnaje pratezavańnie kłapana lohačnaj arteryi i stentavańnie karanarnych arteryj.
Unikalnaść hetaha apieratyŭnaha ŭmiašańnia ŭ tym, što heta pieršy pacyjent, jakomu heta apieracyja spatrebiłasia ŭ suviazi z raźvićciom vostraha infarktu mijakarda i značnaha stenozu kłapana lohačnaj arteryi na fonie najaŭnaha, skarektavanaha ŭ dziacinstvie, pryrodžanaj zahany serca — tetrady Fała (parok serca, jaki ŭklučaje čatyry anamalii), paviedamlaje Minzdaroŭja.
Vyratavać pacyjenta ŭdałosia biez adkrytaj apieracyi, a mienavita miniinvaziŭnym mietadam endavaskularnaj chirurhii — chirurhičnyja ŭmiašańni, jakija pravodziacca na kryvianosnych sasudach prazskurnym dostupam pad kantrolem mietadaŭ pramianiovaj vizualizacyi z vykarystańniem śpiecyjalnych instrumientaŭ.
Apieracyju praviała bryhada Hrodzienskaha abłasnoha kliničnaha kardyjacentra pad kiraŭnictvam zahadčyka adździaleńnia renthienendavaskularnaj chirurhii Alaksieja Maksimčyka i zahadčyka renthienapieracyjnaj RNPC dziciačaj chirurhii Paŭła Čarnahłaza.
Ciapier čytajuć
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary