Сумная вестка прыйшла з Гродна. Пасля кароткай і цяжкай хваробы не стала вядомага мясцовага доктара і літаратара Мечыслава Курыловіча, піша «Гарадзенская праваабарона». Яму было 86 гадоў.
Нарадзіўся Мечыслаў Курыловіч 17 лютага 1939 года у Гродне.
Пасля заканчэння Гродзенскага медыцынскага інстытута чатыры гады працаваў участковым доктарам у прынёманскіх вёсках, потым анколагам у Гродне, а апошнія два гады перад пенсіяй — у Мурманску.
Як літаратар выдаў зборнікі вершаў «Тутэйшы», «Прыдарожная вярба», «Вчерашние святыни», «Матыў прынёманскіх вятроў».
Друкаваўся ў «Гродзенскай праўдзе», медыцынскай газеце «Эскулап», калектыўных зборніках паэзіі «Галасы», «Гнёзды слоў — словы гнёзд», рэгулярна ў альманаху «Новы Замак». Ягоныя вершы вылучаліся дасціпнасцю і аўтарскім гумарам. Быў аптымістычным і жыццярадасным чалавекам.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары
https://d-zholik.livejournal.com/120391.html