Sumnaja viestka pryjšła z Hrodna. Paśla karotkaj i ciažkaj chvaroby nie stała viadomaha miascovaha doktara i litaratara Miečysłava Kuryłoviča, piša «Haradzienskaja pravaabarona». Jamu było 86 hadoŭ.
Naradziŭsia Miečysłaŭ Kuryłovič 17 lutaha 1939 hoda u Hrodnie.
Paśla zakančeńnia Hrodzienskaha miedycynskaha instytuta čatyry hady pracavaŭ učastkovym doktaram u pryniomanskich vioskach, potym ankołaham u Hrodnie, a apošnija dva hady pierad piensijaj — u Murmansku.
Jak litaratar vydaŭ zborniki vieršaŭ «Tutejšy», «Prydarožnaja viarba», «Včierašnije śviatyni», «Matyŭ pryniomanskich viatroŭ».
Drukavaŭsia ŭ «Hrodzienskaj praŭdzie», miedycynskaj haziecie «Eskułap», kalektyŭnych zbornikach paezii «Hałasy», «Hniozdy słoŭ — słovy hniozd», rehularna ŭ almanachu «Novy Zamak». Jahonyja vieršy vyłučalisia daścipnaściu i aŭtarskim humaram. Byŭ aptymistyčnym i žyćciaradasnym čałaviekam.
Kamientary
https://d-zholik.livejournal.com/120391.html