Jamu było 70 hadoŭ.
Valeryj Michajłavič Karankievič naradziŭsia ŭ 1955 hodzie. Usio jaho žyćcio było ciesna źviazana z Chocimščynaj. Tut jon uznačalvaŭ bujnoje sielskahaspadarčaje pradpryjemstva, byŭ pieršym namieśnikam staršyni rajvykankama, paviedamlaje BAŽ.
Z prychodam da ŭłady tak zvanych «mocnych haspadarnikaŭ» Karankievič paličyŭ niemahčymym praciahvać pracu čynoŭnikam.
Jon dałučyŭsia da Partyi BNF i pačaŭ aktyŭna zajmacca palityčnaj dziejnaściu.
U Chocimsku ŭ jaho była svojeasablivaja hramadskaja pryjomnaja — ludzi išli da Valeryja Michajłaviča z nadziejaj na dapamohu tam, dzie miascovaja ŭłada akazvałasia biaśsilnaj.
Jon nieadnarazova ŭdzielničaŭ u vybarčych kampanijach u jakaści kandydata ad BNF.
Karankievič ciesna supracoŭničaŭ z mahiloŭskim rehijanalnym partałam 6tv.by.
Abstaviny śmierci Valeryja Karankieviča pakul nieviadomyja. Viadoma, što trahiedyja zdaryłasia ŭčora ŭ pieršaj pałovie dnia, cieła Valeryja Michajłaviča znajšli ŭ jaho doma. Jość padstavy mierkavać, što apošnija hady pieraśled z boku śpiecsłužbaŭ akazaŭ upłyŭ na jaho stan zdaroŭja.
-
U mieduniviersitety sioleta budzie niedabor? Minzdaroŭja prakamientavała
-
Pradstaŭnik Uzbrojenych sił: Na vajskovuju adukacyju pastupajuć i chłopcy, jakija nabirajuć 400 bałaŭ z 400 mahčymych
-
Siarhiej byŭ u Połacku bieź miesca žycharstva. Majomaści nie mieŭ nijakaj, to syn praz sud vybivaŭ chacia b baćkaŭ vajskovy zarobak
Kamientary