Футбалісткі «Мінска» не змаглі атрымаць візы ў Нідэрланды, дзе павінен быў прайсці матч з ПСВ у рамках кваліфікацыі Кубка Еўропы. УЕФА перанесла гульню ў Албанію
«Мінск» не атрымаў віз для ўезду ў Нідэрланды. УЕФА прыняў рашэнне, што матч будзе праведзены ў адзін этап на нейтральным полі, піша Betnews.by.
Сустрэча паміж ПСВ і «Мінскам», якая першапачаткова была запланаваная на сёння, 8 кастрычніка, не адбудзецца.
Супрацьстаянне пройдзе ў адзін матч і адбудзецца 16 кастрычніка ў Албаніі. ПСВ фармальна будзе мець статус гаспадара. Час пачатку гульні будзе абвешчаны пазней, — гаворыцца ў заяве ПСВ.
Раней планавалася, што абедзве гульні паміж «Мінскам» і ПСВ адбудуцца ў Эйндховене 8 і 15 кастрычніка.
Пасля поўнамаштабнага нападу Расіі на Украіну на беларускі футбол, у адрозненне ад расійскага, былі накладзеныя мінімальныя санкцыі. Хатнія матчы беларускія клубы і зборныя павінны праводзіць на нейтральным полі ў адсутнасць гледачоў. У мужчынскім футболе такімі стадыёнамі для беларусаў часцей з'яўляюцца палі ў Венгрыі.
Так, заўтра, 9 кастрычніка, мужчынская зборная Беларусі згуляе там са зборнай Даніі матч адборачнага турніру да чэмпіянату свету.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос16
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1212
Каментары