Трансляцыю матча ў адказ плэй-оф кваліфікацыі Лігі канферэнцый паміж «Нёманам» і іспанскім «Рая Вальекана» правядзе тэлеканал «Беларусь 5», паведамляе прэс-служба гродзенскага клуба.
У першай сустрэчы гарадзенцы на нейтральным стадыёне ў Венгрыі мінімальна саступілі «Рая» — 0:1.
Паядынак у адказ адбудзецца ў чацвер, 28 жніўня, у Мадрыдзе на стадыёне «Кампа дэ Вальекас». Пачатак а 21:00.
Пераможца двубою выйдзе ў асноўны раўнд Лігі канферэнцый, куды год таму дабралася мінскае «Дынама». Перад гэтым беларускія клубы гулялі ў асноўнай стадыі еўракубкаў у сезоне 2018-2019.
«Нёман» — апошні беларускі клуб у кваліфікацыі еўракубкаў. Жодзінскае «Тарпеда-БелАЗ», брэсцкае і мінскае «Дынама» вылецелі на ранейшых этапах.
«Рая Вальекана» ўчора, дарэчы, прайграла ў матчы чэмпіянату Іспаніі «Атлетыку» з Більбаа з лікам 0:1.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары