Прэзідэнт Францыі Эмануэль Макрон выступіў перад журналістамі ў Вашынгтоне і заявіў, што еўрапейскія ўзброеныя сілы павінны прыняць удзел у міратворчых аперацыях ва Украіне пасля заканчэння баявых дзеянняў, піша BBC.
Нам спатрэбіцца моцная ўкраінская армія, і мы павінны будзем дапамагчы Украіне на месцы, — сказаў ён. — Спатрэбяцца міратворчыя аперацыі, якія гатовыя забяспечыць саюзнікі Украіны.
У гутарцы з журналістамі Макрон таксама дапусціў, што сустрэча лідараў ЗША і Расіі можа адбыцца ў бліжэйшыя дні, але ў выпадку правалу перамоў заклікаў узмацніць санкцыі супраць Масквы.
Мы ўсё гэтак жа згодныя з тым, што санкцыі прыйдзецца ўзмацніць, і ў любым выпадку прыйдзецца заняць пазіцыю, якая ўзмоцніць ціск на расійскі бок, — дадаў ён.
«Грузія ў 2008, Крым у 2014. Ёсць поўная ўпэўненасць у тым, што калі заключаць якую-небудзь мірную здзелку без гарантый бяспекі, Расія ніколі не будзе паважаць свае словы, ніколі не будзе выконваць свае ж уласныя абавязкі», — заявіў прэзідэнт Францыі.
Расійскі бок ідэю размяшчэння заходніх войскаў на тэрыторыі Украіны паслядоўна адхіляе.
Каментары