Prezident Francyi Emanuel Makron vystupiŭ pierad žurnalistami ŭ Vašynhtonie i zajaviŭ, što jeŭrapiejskija ŭzbrojenyja siły pavinny pryniać udzieł u miratvorčych apieracyjach va Ukrainie paśla zakančeńnia bajavych dziejańniaŭ, piša BBC.
Nam spatrebicca mocnaja ŭkrainskaja armija, i my pavinny budziem dapamahčy Ukrainie na miescy, — skazaŭ jon. — Spatrebiacca miratvorčyja apieracyi, jakija hatovyja zabiaśpiečyć sajuźniki Ukrainy.
U hutarcy z žurnalistami Makron taksama dapuściŭ, što sustreča lidaraŭ ZŠA i Rasii moža adbycca ŭ bližejšyja dni, ale ŭ vypadku pravału pieramoŭ zaklikaŭ uzmacnić sankcyi suprać Maskvy.
My ŭsio hetak ža zhodnyja z tym, što sankcyi pryjdziecca ŭzmacnić, i ŭ lubym vypadku pryjdziecca zaniać pazicyju, jakaja ŭzmocnić cisk na rasijski bok, — dadaŭ jon.
«Hruzija ŭ 2008, Krym u 2014. Jość poŭnaja ŭpeŭnienaść u tym, što kali zaklučać jakuju-niebudź mirnuju ździełku biez harantyj biaśpieki, Rasija nikoli nie budzie pavažać svaje słovy, nikoli nie budzie vykonvać svaje ž ułasnyja abaviazki», — zajaviŭ prezident Francyi.
Rasijski bok ideju raźmiaščeńnia zachodnich vojskaŭ na terytoryi Ukrainy paśladoŭna adchilaje.
Ciapier čytajuć
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci3
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary