Сядзібу Мінейкаў на Астравеччыне набыў вытворца будаўнічых матэрыялаў
14 ліпеня на электронных таргах «БУТБ-Маёмасць», арганізаваных Беларускай універсальнай таварнай біржай, быў прададзены былы маёнтак Мінейкаў у вёсцы Дубнікі Астравецкага раёна, паведамляе sb.by.
У склад лота ўвайшлі двухпавярховы будынак сядзібы (да 2005 года — дом-інтэрнат для пажылых і інвалідаў), адміністрацыйны корпус 1968 года, лазня-пральня, сталоўка, медпункт, гаражы, склады і гаспадарчыя пабудовы.
Як паведаміў прэс-сакратар БУТБ Раман Яніў, фінальны кошт лота склаў 1058,4 рубля — на 5% вышэй за стартавую цану. Купцом стала кампанія з Гродзенскай вобласці, якая займаецца вытворчасцю будаўнічых матэрыялаў.
Сядзібны дом, пабудаваны ў 1878 годзе, вядомы тым, што ў канцы XIX стагоддзя там жыў і працаваў польскі пісьменнік, лаўрэат Нобелеўскай прэміі Генрык Сянкевіч. У гэтай сядзібе ён напісаў гістарычны раман «Пан Валадыёўскі», прысвечаны супрацьстаянню Рэчы Паспалітай і Асманскай імперыі.
Згодна з данымі біржы, за першае паўгоддзе 2025 года на платформе «БУТБ-Маёмасць» было прададзена 249 аб’ектаў на агульную суму 9,9 мільёна рублёў. У амаль сотні выпадкаў таргі праходзілі з удзелам некалькіх пакупнікоў, што дазволіла прадаўцам атрымаць дадатковую выручку ў памеры 2,7 мільёна рублёў.
На Віцебшчыне прадаюць унікальную сядзібу, па праект якой гаспадары ездзілі ў далёкую Брытанію
«Хочацца, каб мы жылі не з нуля». Уладальнік сядзібы Горватаў расказаў пра рэстаўрацыю, захаваныя каштоўнасці і «Белую пані Нароўлі»
Купіў будынак пад рэстаран за 262 тысячы рублёў. Цяпер участак хочуць забраць, каб пабудаваць там… рэстаран
Мураванку Храптовічаў у Шчорсах зноў выставілі на продаж за паўцаны
У Гродне знеслі чарговы дом у гістарычным цэнтры. На грамадскім абмеркаванні інфармацыю пра знос утаілі ад людзей
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам24
Каментары